پېښو ته د رسېدو په چارو کې د دولت وزیر نجیباقا فهیم نن د طبیعي پېښو له زیانمنو سره د جاپان د مرستو ترلاسه کولو په مراسمو کې وویل، په تېره یوه میاشت کې د سېلابونو او نورو طبیعي پېښو رامنځته کېدو له کبله ۱۴۷ کسان مړه شوي او ۲۷۸ نور ټپیان دي.
د نوموړي په وینا، د یادو پېښو له کبله ۱۱ زره کورونه په بشپړه توګه او ۱۶ زره نور هم لږ تخریب شوي دي.
په همدې حال کې د جاپان سفیر وايي، د دوی له لوري د طبیعي پېښو له زیانمنو سره په مرستو کې ۵۰۰ خیمې، ۱۴۱۰ کمپلې، ۵۰ پلاسټیکي ترپالونه او ۳۸۴ بوشکې اوبه شامل دي چې لومړنۍ محوله یې نن افغان حکومت ته وسپارل شوه.
اړوند مطالب:
