د ښځو اقتصادي پیاوړتیا په برخه کې ۱۳ ادارو ۱۳۹۷ مالي کال کې د خپلو لاستهراوړنو رپوټونه وړاندې کړل.
دې غونډې ته د کلیو او پراختیا وزارت د مېرمنو د توانمندۍ پروژو رییس رحمتالله قریشي وویل، دغه وزارت تېر کال د مېرمنو توانمندۍ په برخه کې پاموړ لاستهراوړنې لرلې.
ښاغلي قریشي وویل، روان کال به هم د کلیوالیو مېرمنو اقتصادي پیاوړتیا پروګرام دوام وکړي او ۵ زرو کلیو کې به عملي شي.
د هغه په وینا، د کاري اسانتیاوو په موخه به ۱۵زرو کلیو کې مېرمنو ته بانکي حسابونه پرانیزي او ۸۵۰ نوې مېرمنې به په کار وګومارل شي.
د کرنې او مالداۍ وزارت چارواکي هم وايي، کلیو کې د ېیرمنو ځانبسیاینې لهپاره د پاموړ پروګرامونه تر لاس لاندې لري.
هاخوا د پوهنې وزارت د اساسي او صنایعو تعلیماتو رییسه تورپیکۍ مومند هم د ټولنې هره برخه په ځانګړې توګه د ښوونې او روزنې بهیر کې د ښځو ونډه مهمه بولي.
هغې وویل، د دې وزارت د څه باندې ۹ میلیونو زدهکوونکیو څخه ۳۸ سلنه یې نجونې دي او د ښوونکیو د روزنې مرکزونو کې ـ چې له ۳۹ زرو ډېر زدهکوونکي لري ـ ۵۵ سلنه یې نجونې دي.
اغلې مومند زیاته کړه چې روان کال کې به ۷۵۰۰ نوي قراردادي ښوونکي هم جذب شي او د ۴۵ زرو ښځینه ښوونکیو لهپاره به د لنډمهالو زدهکړو زمینه برابره شي.
د ښځو د اقتصادي پیاوړتیا په اړه د اړوندو ادارو د رپوټ ورکولو غونډې ته د هېواد لومړۍ مېرمنې بيبيګل رولاغني سره لهدې چې وايي، تېرو کلونو ته په پرتله د ښځو په برخه کې د ډېر مثبت بدلونونه راغلي؛ خو په وینا يې، اړتیا ده چې د سولې پروسی او نورو سیاسي او اقتصادي برخو کې د مېرمنو پیاوړتیا او ونډې ته جدي پام وشي.
ورته مطالب:
پراختیايي شوراګانو سره د ۲۲ پروژو تړونونه لاسلیک کړل
د کلیو بیارغونې او پراختیا وزارت د اوبو لګولو ۹۰ کانالونو تړونونه لاسلیک کړل
