د کابل د ولسي جرګې ټاکنو ته ولاړ له ۳۰۰ ډېر نوماندان د دې ولایت د ټاکنو له پایلو شکایت کوي او د کابل حوزې د رایو باطلول غواړي.
معترضو نوماندانو نن په کابل کې یوې خبري غونډې ته وویل چې د کابل د رایو پایلې نه مني او پهدې ولایت کې دې د ولسي جرګې ټاکنې بیاځلي وشي.
یو معترض نوماند عرفانالله عرفان وویل، کره اسناد لري چې د ټاکنو بهیر کې درغلۍ شوېدي.
هغه د کمېسیون له غړیو غواړي چې د ټاکنو شکایتونو کمېسیون د مخکینۍ پرېکړې لهمخې دې د کابل رایې باطلې کړي.
ښاغلی عرفان وايي چې په کابل کې د ولسي جرګې د ټاکنو بیاځلي تر سرکولو په صورت کې باید د ټاکنو کمېسیون کمېشنران بدل شي او څارنوالۍ ته معرفي شي.
خو د ټاکنو د خپلواک کمېسیون مرستیاله ویانده کبرا رضايي وايي چې په کابل کې بیاځلي ټاکنې امکان نهلري.
د اغلې رضایي په خبره، د ولسي جرګې ټاکنو کمۍ لرلې؛ خو اوسنیو شرایطو ته په کتو؛ په کابل کې د بیاځلي ټاکنو کول له فني، تخنیکي او مالي اړخه ناشوني دي.
د کابل ولایت د ولسي جرګې د ټاکنو لومړنۍ پایلې پنځه ورځې مخکې اعلان شوې چې د ټاکنیزو شکایتونو کمېسیون له لوري لهدې پخوا باطلې اعلان شوېوې؛ خو له جوړجاړي وروسته د بیاځلي شمېرل کېدو هوکړه وشوه.
