د دویمې ورځې لهپاره د ولسي جرګې د ټاکنې د ۱۴ ولایتونو په ۴۰۰ مرکزونو کې پیل شوې.
دا مرکزونه پرون د امنیتي او تخنیکي ستونزو له امله تړلي پاتي وو.
پرون د رایو ځېنې مرکزونه ناوخته پرانېستل شول او د ټاکنو کمېسیون د رایو ورکولو وخت د شپې تر ۸ بجو پورې وغځولو.
د ټاکنو خپلواک کمېسیون اعلان کړی چې د ټاکنو په لومړۍ ورځ ۳میلیونو هېوادوالو ګډون کړیدی.
د ټاکنو خپلواک کمېسیون رییس عبدالبدیع صیاد بېګا ناوخته په یو خبري کنفرانس کې وویل چې له ولایتونو سره د اړیکې نه جوړېدلو ستونزې پر اساس تر اوسه د ټولو ګډونوالو کره شمېر نهدی معلوم.
د ولسي جګرې ټاکنو لهپاره شاوخوا ۸.۸ میلیونو کسانو نوملیکنه کړېوه.
د ځېنو ستونزو لکه له بایومتریک سېستمه استفاده او بېنظمي او په ځېنو ولایتونو کې امنیتي پېښې هغه څه وو چې د ټاکنو په مخکې خنډ نهشول.
د شمېرو پر بنسټ، پرون په ټول هېواد کې ۲۰۰ امنیتي پېښې شوېدي چې په پایله کې یې ۳۶ تنه وژل شوي او ۱۲۰ تنه ټپيان شويدي.
