د ټاکنو خپلواک کمېسیون نن په رسمي ډول له بایومټریک ماشینونو نه سرورونو ته د مالوماتو لېږد پیل کړ.
د ټاکنو خپلواک کمېسیون رییس ګلاجانعبدالبدېع صیاد پهدې اړه جوړې شوې غونډې ته وویل، که څه هم حکومت ډېره ناوخته پرېکړه وکړه چې د ټاکنو په یوه پړاو کې دې بایومټریک وکارول شي، خو د ټاکنو کمېسیون له ستونزو سره سره یاده پرېکړه عملي کړه.
د نوموړي په وینا، سرورونو ته د مالوماتو تر لېږد وروسته به روښانه شي چې د هېواد په ۳۳ ولایتونو کې څومره رایې د بایومټریک او څومره هم د تر بایومټریک پرته کارول شوې دي، خو په وینا، په هر حالت کې به پاکې رایې، تر ناپاکو هغو بېلې کړي.
خو د یوشمېر سیاسي ګوندونو استازي د دغه بهیر روڼوالي په اړه اندېښنه لري.
د حزباسلامي څارونکی سعدالله وايي، له بایومټریک ماشینونو نه، د ټاکنو کمېسیون سرورونو ته د مالوماتو لېږد روڼ نهدی او دوی ته اجازه نه ورکوي چې ترې ښه څارنه وکړي.
خو مدني فعال نصرالله که څه هم یاد بهیر روڼ بولي، خو وايي کمېسیون دې د دوی څارنې لهپاره ځانګړې کړنلاره جوړه کړي چې په ښه توګه یې څارنه وکړي.
ټاکل شوې وه چې د ټاکنو خپلواک کمېسیون له مهالوېش سره سم د ولسي جرګې ټاکنو لومړنۍ پایلې د لړم میاشتې په ۱۹مه اعلان کړي، خو کمېسیون تېره ورځ اعلان وکړ چې د ولایتونو لومړنۍ پایلې به د لیندۍ په ۲یمه او د کابل هغه د یادې میاشتې په ۱۰مه نېټه اعلان شي.
.jpg)
د کمېسیون په وینا، د قانون له مخې به د ولسي جرګې ټاکنو وروستۍ پایلې د ټاکنیزو شکایتونو کمېسیون تر ارزونې وروسته تر یادې نېټې یوه میاشت وروسته اعلان شي.
