سیلاو سلامتیدن نظارت قیلووچی ادارهلرنی مسؤوللری نینگ ایتیشیچه، افغانستان بوییچه بیرلشگن ملتلر تشکیلاتی نینگ سیاسی نمایندهلیگی یا-ده یوناما و اروپا بیرلیگی نینگ سیلاو ایرکین کمیسیونی نینگ ایشلریده ارهلشیش گه حقلری یوق دیر و اولرنینگ ارهلشیشی سیلاو کمیسیونی نینگ ایرکینلیگینی سوراققه دوچ قیلهدی.
بوگون «چهارشنبه» کابلده خبری ییغین اوتکزگن سیلاو سلامتیدن نظارت قیلووچی ادارهلرنی مسؤوللری نینگ ایتیشیچه، جمهورلیک ریاست سیلاوی نینگ دستلبکی نتیجهسی اعلان ایتیلمهگنی سیلاو کمیسیونی نینگ قیینچیلیکلرینی کوپهیتیرگن و ایشلر مدیریتی بو کمیسیون نینگ ادارهسیدن چیقیشی ممکن.
سیلاو سلامتیدن نظارت قیلووچی ادارهلرنی اعضاسی عبدالله احمدی، سیلاو ایرکین کمیسیونی تامانیدن دستلبکی نتیجه اعلان ایتیلیش زمانی آرتده قالیشینی قبول قیلینمس بیلیب ایتیشیچه، بو ایش سیلاو کمیسیونی نینگ مدیریتی کوچسیزلیگینی کورستهدی.
اونگه کوره، سیلاو ایرکین کمیسیونی سیلاو قانونی و طرزالعمللری اساسیده قرار قیلیشی کیرهک.
افغانستان بوییچه جمهورلیک ریاست سیلاوی جاری قویاش ییل، 6- میزان ده یولگه قوییلدی و بو سیلاونینگ دستلبکی نتیجهسی 27- میزان ده اعلان ایتیلیشی خصوصیده قرار قیلینگن ایدی، بیراق نتیجهنی اعلان ایتیش زمانی 23- عقرب گه توختهتیلدی. عین حالده، بوگون چهارشنبه سیلاو ایرکین کمیسیونی نینگ مسؤوللری کابلده خبری ییغین اوتکزیب ایتیشیچه، جمهورلیک ریاست سیلاوی نینگ دستلبکی نتیجهسینی اعلان قیلیش زمانی نامعلوم مدت گچه توختهتیلگن.
شو توغریده…
سیلاو ایرکین کمیسیونی آوازلرنینگ قیته سنهش جریانینی توختهتدی
