بوگون «یکشنبه» کابلده خبری بیر ییغین اوتکزگن مالیه وزیرلیگی مسؤوللری، گمرکلرنینگ درآمدی کوپهیگنیدن خبر بیرگن.
اولرگه کوره، مملکت گمرکلری نینگ درآمدی توپلهنیشی اوچون تعیین ایتیلگن مقصد 188 میلیارد افغانی ایدی و بو مبلغ دن 165 میلیارد افغانی توپلنگن و بو رقم 1397- ییلگه نسبتن 11% کوپهیگنینی کورستهدی.
مالیه وزیرلیگی نینگ درآمدلر بوییچه عمومی باشلیغی آمنه احمدی نینگ ایتیشیچه، حاضرگهقدر 50 مینگ سوداگرلیک شرکت جواز آلگن، بیراق بو شرکتلر حاضرگچه سوداگرلیک جوازلرینی تصفیه قیلمهگن.
اوشبو ییغینده مالیه وزیرلیگی نینگ گمرکلر و درآمدلر بوییچه عمومی اورین باسری ولید تمیم نینگ ایتیشیچه، جمهورلیک ریاست سیلاوی نینگ نتیجهسی توغریسیده بولگن چیگللیکلر سوداگرلرنینگ ایشلری اوستیگه سلبی تأثیر قویگن.
مالیه وزیرلیگی نینگ مسؤوللری، هرات، بلخ و ننگرهار ولایتلری نینگ گمرکلری ده مالیه بیرووچیلرنینگ مالیهلری تصفیه قیلینیشی و مالیه بیریشلری اوچون دیجیتالی سیستم ایجاد ایتیلگنیدن خبر بیرهدی. اولرنینگ ایتیشیچه، بو سیستم دن ایش آلینگن صورتده، گمرکلرده فساد کمهییشی ممکن.
