کابل تازه میوهلر مارکیتیده میوه ساتووچیلردن بیرقطارینینگ ایتیشیچه، میوهلر بهاسی کمهیگنی باعث، مارکیتده تازه میوهلردن 50% افلاسلنگن.
میوه ساتووچیلرنینگ ایتیشیچه، جاری ییلده تربوز و قاوون پاکستان و باشقه مملکتلرگه صادر بولمهگن و حکومت هم یاز میوهلری اوچون موزخانه قوره آلمهگن.
کابلده میوه ساتووچی مارکیت باشلیغی نجابت حیدرینینگ سلاموطندارگه ایتیشیچه، بازارده تازه میوه کوپهیگنی سبب بهاسی کمهیگن؛ بیراق ینه هم اهالی میوه ساتیب آلیشگه قادر ایمس دیر.
شونینگدیک، میوه ساتووچیلر میوه بازاری سُست بولگنیدن شکایت قیلیب ایتیشیچه، حاضرگچه میوهلرنی کابلگه انتقال بیرگن کراسینی تاپه آلمهگنلر و شو یوزهدن میوهلری افلاسلنماقده.
صنعت و سوداگرلیک اتاقی مسؤوللرینینگ ایتیشیچه، ناتینچلیک، موزخانه یوقلیگی، تقاضا کملیگی و تقدیمات کوپلیگی باعث، تازه میوهلر افلاسلنگن.
صنعت و سوداگرلیک اتاق سوزلاوچسی صیامالدین پسرلینینگ ایتیشیچه، کابل-اسلامآباد آرهسیده دیپلماتیک علاقه قرهمه قرشیلیک میزانی آشگنی باعث، افغانستاندن صادر ایتیلهدیگن تَورلر اینیقسه تازه میوه برابریده پاکستان چیگرهلرینی یاپگن.
اونگه کوره، بو ایش سبب کابل بازارلریده کوپینچه میوه افلاسلنگن.
شوندهی بیرحالده هم حکومت تازه میوهلردن بیر قسمینی هوا آرقهلی هند و باشقه بیرقطار مملکتلرگه صادر قیلهدی، بیراق میوهلر تقدیماتی کوپلیگی سبب، بو سعی و حرکتلر اونچهلیک نتیجه بیرمهگن.
