افغانستان جمهورلیک ریاستی نی ایکینچی اورین باسری سرور دانش نینگ ایتیشیچه، افغانستانلیکلرنینگ رهبرلیگیده بولمهگن تینچلیک بیر تامانلمه و نتیجهسیز دیر و حاضرگهقدر آمریکان وطالبان گروهی نینگ نمایندهلری آرهسیده باشلنگن و دوام ایتگن تینچلیک جریانیده افغانستان دخیل بولمهگن. اونینگ اورغولشیچه، بو جریانده افغانستانلیکلرنینگ مالکیتی حقیقی و معنالی شکلده تأمینلنیشی کیرهک.
بوگون «جمعه، 17- عقرب» کابلده نمایندهلر کینگشی نینگ اقتصادی کمیسیونینی سابق باشلیغی سیدمصطفی کاظمی و نمایندهلردن باشقه بیرقطاری نینگ اولیمینی 12- ییللیگینی نشانلش مراسمده جمهور رئیس ایکینچی اورین باسری سرور دانش نینگ ایتیشیچه، «افغانستانلیکلرنینگ مالکیتی افغانستان دولتی تامانیدن رهبرلیک قیلینمهگنده هیچ بیر نتیجه بیرمهیدی. دولت رهبرلیگیده بولمهگن تینچلیک بیر تامانلمه و نتیجهسیز دیر.»
جمهور رئیس ایکینچی اورین باسری نینگ اورغولشیچه، تینچلیک و اوروش اساسی قانون و خلق ارا حقوقی نقطهی نظردن دولتلرنینگ صلاحیتیدن بولگن، سیاسی گروهلرنینگ ایمس.
دانش نینگ کوپهیتیریشیچه، افغانستان 1380- ییل شرایطیده ایمس دیر و او زمانده وضعیتنی دولت اورنی گه سیاسی حزبلر و جریانلر مدیریت قیلردی. اونگه کوره، سیاسی حزبلردن بیرقطاری، حاضرگی شرایطنی 19 ییل آلدین شرایطی بیلن ناتوغری توشونگن و حاضرگهقدر افغانستان جزیرهلی قدرتلر تامانیدن اداره بولیشینی ایستهیدیلر.
جمهور رئیس نینگ ایکینچی اورین باسری، سیاسی حزبلر و مدنی ادارهلردن دولت اطرافیده بولیب و تینچلیک جریانیده سهم آلیشلرینی سورهیدی.
جناب دانش نینگ آگاهلنتیریشیچه، افغانستان دولتی نظرگه آلینمهگن صورتده، نهفقط تینچلیک تأمینلنمهیدی، بلکیم طالبان گروهی باشقه کیمسه گه ارزش بیرمهیدی.
جمهور رئیس ایکینچی اورین باسری نینگ کوپهیتیریشیچه، سیلاو نتیجهسی یقین آرهده اعلان ایتیلهدی و ینگی حکومت گه ایشی گه باشلهیدی و تینچلیک جریانی مدیریت بولیشی و رهبرلیک قیلینیشی اوچون وقتینچهلیک و شونگه اوخشهگن ادارهلر تشکیل ایتیلیشی خصوصیده، هیچ بیر ریجه کیرهک ایمس دیر.
حکومت نینگ اوشبو ییریک ملازمی، ایشانچ قولگه کیریتیشنی تینچلیک سوزلشوولری نینگ بیرینچی شرطی دیب ایتیشیچه، شو یوزهدن هم طالبان گروهی نینگ محبوسلرینی قوییب یوباریش خصوصیده، مملکت قانونی اساسیده تیارگرلیک آلینگن، بیراق آتیشکیسین برقرار ایتیلیشی و یوزمه یوز سوزلشوولر باشلهنیشی ایشانچ قولگه کیریتیش نینگ اصلی کلیدی بولگن.
شونینگدیک، جمهورلیک ریاستی نینگ سابق اورین باسری محمدیونس قانونی، تینچلیک نی کیشیلرنینگ توشونچهلری و آرمانلریدن جوده هم یوقاری دیب بیلهدی و بو جریان برابریده دولت تامانیدن بولگن توسیقلرنی کوتریش اوچون تانیقلی جریانلر و سیاسی شخصیتلر قوشمه شکلده سعی و حرکت قیلیشلری اوستیگه تأکیدلگن.
جناب قانونی نینگ ایتیشیچه، «مصالحه بحثی کیشیلر و تویغولردن یوقاری، بیراق افغانستان توزومی نینگ یانیده و توزوم متنیده مطرح قیلینیشی کیرهک.»
عین دمده، جمهور رئیس ایکینچی اورین باسری سرور دانش سوزلرینی باشقه بیر بولیمیده سیلاو توغریسیده ایتیشیچه، سیلاو تیملریدن هیچ بیری یا-ده هیچ بیر کیشی سیلاو کمیسیونلری گه باسیم کیریتمهی و اولرنینگ ایشلریده ارهلشمهسی لازم.
دانش گه کوره، سیلاو تیملرینینگ سیلاو جریانی توغریسیده شکایتلری بولگن صورتده، شکایتلرینی مستند و قانونی شکلده سیلاو کمیسیونلریگه ارایه قیلیب و بو کمیسیونلرگه قرار آلیش رخصتینی بیریشلری کیرهک.
عین دمده، او سیلاو کمیسیونلریدن بوندن آرتیق اهالیسی نینگ کوتتیرمهی و تیزلیک که جمهورلیک ریاست سیلاوی نینگ دستلبکی و سونگی نتیجهسی نینگ اعلان قیلیشینی طلب قیلدی.
