افغانستان ملی امنیت ریاستی، مذکور ریاست باشلیغی رحمتالله نبیل و ملی امنیت کینگش مصلحتچیسی حنیف اتمر اورته سیده یوزبیرگن تارتیشوونی رد ایتهدی.
اوتکن پنجشنبه کونی ایچکی و تشقی میدیالر آرقهلی کابل و اسلامآباد ارا قول قوییلگن کیلیشوو توغری سیده اولکه ملی امنیت ریاست باشلیغی و امنیتی کینگشی مصلحتچیسی اورته سیده تارتیشوو یوزبیرگنی توغری سیده گزارش ترقتیلگن ایدی.
گزارشلرگه کوره، جناب نبیل وزیرلر کینگشی اولتیریشده مذکور کیلیشووگه قول قوییلگنی توغری سیده قرشیلیک کورسهتیب اونی بی معنی بیر کاغذ دیگن ایدی. شونینگدیک جناب اتمر ملی امنیت ریاستی برچه ایشچیلری اونی عملی قیلیشی اوستیگه تاکید قیلگن.
بیراق ملی امنیت باشلیغی، بو حرکتگه قرشی جواب بیریب مذکور کیلیشوو اورین باسری تمانیدن امضاء بولگنینی ایتیب، اونی عملگه آشیرمهگنینی تیلگه آلگن.
اولکه ملی امنیت ریاستی و امنیتی کینگش تمانیدن ترقتیلگن خبرنامهده کیلیشیچه، بو گزارشلر شایعه بولیب حقیقتدن اوزاق دیر.
شونینگدیک خبرنامهده کیلیشیچه، ایکی تمان دوستلیک فضاسیده همکار بولیب، اولکه منفعتینی سقلش و ملی بیرلیکنی مستحکملشتیریش اوچون حرکت قیلیشلرینی ایتکن.
ایکی اولکه حربی رسمیلری ارا قول قوییلگن کیلیشووگه کوره، کابل و اسلامآباد ترورچیلیک گروهلریگه قرشی کورهشیشلری ممکن.
ایتیلیشیچه، ملی امنیت ریاستی و پاکستان استخباراتی ادارهسی ارا قول قوییلگن کیلیشووگه، کابل و اسلامآباد همکارلیکلر موضوعسی آچیقلهنیب و هیچ بیر چیگللیک قالمه گن.
