امریکهنینگ نویارک تایمز کوندهلیگی، امریکه قوشمه ایالتلری پاکستاننینگ ایکّی تامانلمه سیاستلریدن خسته بولگن لیگینی یازگن. رسمی واشنگتن ایسه رسمی اسلام آبادنی کابل توغریسیده بولگن سیاستینی اوزگرتیریشگه حرکت قیلهدی.
شونینگدیک مذکور کوندهلیک نینگ معلوم قیلیشیچه، افغانستانده تینچلیکنی اورنهتیش اوچون امریکه قوشمه ایالتلری پاکستاننی باسیم آستیگه آلیش شرایطی کیلگن دیگن.
امریکهنینگ ایشانچلی مذکور کوندهلیگی، هنوزگچه امریکه قوشمه ایالتلری پاکستان حکومتیگه ترورچیلیککه قرشی کورهشیش اوچون 33 میلیارد اقش دالری یارم کورستگن گلیگینی معلوم قیلگن. لیکن، رسمی اسلام آباد ایسه هنوزگچه بو توغریده عملده آدیم کوتارمهگن.
خلق ارا کوچلرنینگ افغانستاندهگی عمومی قوماندانی جنرال جان نکلسون، بو مملکت وضعیتی توغریسیده امریکه جمهور ریسسلیک سراییده اقشنینگ حربی قراری توغریسیده گزارشی بیریشی کویتلهدی.
نیویارک تایمیزنینگ بیلدیریشیچه، مذکور گزارش ایسه افغانستاندهگی خلق ارا کوچلرینینگ 5500 حربی عسکری کمیشی یا – ده آشیریلیشی اوچون اوزگریش کیلتیریشی ممکن.
کوندهلیکنینگ یازیشیچه، پاکستان افغانستان حکومتی برابریده بولگن سیاستینی اوزگرتیرمهگن حالده، خارجی کوچلرنینگ قیسقرتیریلیشی یا کوپیتیریلیشی افغانستان تینچ لیک لایحهسی اوچون هم ایجابی نتیجه بیریشی ممکن.
کوندهلیک پاکستاننینگ امریکه قرارلری توغریسیدهگی تفاوتسیزلیگی بارهسیده اشاره قیلگن. پاکستان جاسوسلیک ادارهسی (آی. اس. آی) ییللر دوامیده طالبلر و حقانی ترور ترماغی همکارلیگ بیلن افغانستانده اوروش النگهسینی کوتاریب کیلگن.
امریکه قوشمه ایالتلری نینگ باسیمیدن کیین پاکستان توپراغیدهگی حقانی ترور ترماغی اعضالرینی نابود قیلیش اوچون آلیب بارگن سعی و حرکتلری ایجابی نتیجه آلیب کیلمهگن لیگی ایتیلهدی.
عین حالده، نیچه آیدن بیری امریکه نینگ پاکستان حکومتیگه کورسته دیگن مالی همکارلیکلری نینگ یر قسمی کیسیب قوییلگن. ایتیلیشیچه، امریکهنینگ بو قراری رسمی اسلام آباد ترورچی گروهلرگه قرشده
جلال الدین حقانی ترور ترماغی امریکه نظریدن اینگ خوفلی ترورچی گروه حسابلنهدی. انه شو سبب هم پاکستان حکومتی بو ترورچی گروه مملکتنینگ شمالی وزیرستانیده جلالالدین حقانی ترماغینی نابود قیلمهگنلیک اوچون هم ناراض. شمالی وزیرستانده جلالالدین حقانینینگ اصلی مرکزی نابود ایتیلمهگن لیگی ایتیلهدی.
هر ییل امریکه قوشمه ایالتلری پاکستان حکومتیگه ترورچیگروهلرگه قرشی کورهشیش اوچون بیر میلیارد دالر همکارلیک قیلهدی. لیکن، دان کوندهلیگینینگ معلوماتیگه قرهگنده، پاکستان حکومتینینگ بیر قنچه یوقاری مرتبهلی رسمیلری، امریکه مدافعه همده تشقی ایش لر وزیرلیگی پاکستاننینگ واشنگتنده گی ایلچی خانهسیده مذکور یاردملر 2015- ییلدن اعتبارن توخته تیلگنلیگینی خبر بیرگنلر.
شمالی وزیرستان ترورچی گروهلرنینگ اصلی مرکزی سنهلهدی. افغانستان حکومتی مقابلیده اوروش آلیب باره دیگن جنگریلر اوشبو مرکزده حربی تعلیمات کورگندن کیین، افغانستان اوتیب، دولت و نا دولت ییرلرده خودکش هجوم صادر قیله دیدلر.
