آمریکا تشقی ایشلر وزیرلیگینی خاص نمایندهسی زلمی خلیلزاد، منطقهیی سفرلری دوامیده اوتگن کون کیچ قورون کابل گه ییتیب کیلدی.
جناب خلیلزادنینگ توییتر صحیفهسیده یازیشیچه، ایرتهسینی افغانلر ارا تینچلیک سوزلشوولری چقانلنیشی اوستیگه تأکیدلب افغانستان جمهور رئیسی محمداشرف غنی دفتری نینگ باشلیغی سلام رحیمی، تینچلیک عالی کینگشی دبیرخانه باشلیغی عمر داوودزی و باشقه بیرقطار حکومتی رسمیلر بیلن باشلهگن.
جناب خلیلزاد، آلتینچی دور سفری دوامیده کابل گه ییتیب کیلگن. آمریکا تشقی ایشلر وزیرلیگی آلتینچی حملده بیر خبرنامه ترقهتیب اعلان قیلیشیچه، اوشبو سفرلردن مقصد افغانستانده تینچلیک جریانینی قولیلشتیریش دیر. اوشبو سفرلر 5- حملدن باشلندی و 21- حملگچه دوام ایتیشی خصوصیده قرار قیلینگن.
زلمی خلیلزاد بو دور سفریده افغانستان، بلجیم، بریتانیا، پاکستان، اوزبیکستان، اُردن و قطر مملکتلریگه باریشی ممکن.
عین حالده، بوگون وزیرلر کینگشی ییغینیده اجراییه باشلیغی عبدالله عبداله نینگ ایتیشیچه، زلمی خلیلزاد، اوتگن کیچه کابل گه ییتیب کیلگن و او بیلن اوچرهشیش گه قرار قیلگن.
اجراییه باشلیغی نینگ کوپهیتیریشیچه، خلیلزاد بیلن اوچرهشگنده افغانستان حکومتی تینچلیک جریانیده قندهی قیلیب همکارلیک قیلیشی خصوصیده، صحبت قیلهدی.
افغانستان تینچلیک لایحهسی بوییچه آمریکانینگ خاص نمایندهسی کابل گه ییتیب کیلگن بیرچاغده، افغانستان حکومتی طالبان گروهی بیلن تینچلیک سوزلشوولرینی آلغه آلیب باریش اوچون جامع و همه شمول بیر هیأت ایجاد قیلیش خصوصیده، سعی و حرکتلرینی باشلهگن.
شو توغریده…
خلیلزاد: افغانستان تینچلیک جریانی قولَی و هموار ایمس دیر
خلیلزاد: آمریکا و ناتو افغانستاندن چیقیش اوچون بیرگه قرار قیلهدی
خلیلزاد: تینچلیک سوزلشوولریده بوتون ارزشلر سقلهنیشی کیرهک
سلاموطندارگه صحبت بیرگن جمهورلیک ریاستی سوزلاوچیسینی اورین باسری شاهحسین مرتضوی نینگ ایتیشیچه، تینچلیک سوزلشوولری خصوصیده جامع بیر هیأت ترکیبی اوچون سعی و حرکتلر دوام ایتماقده و بو هیأت رویخطی تیزلیککه اعلان بولهدی.
مرتضوی گه کوره، اوشبو هیأت سیاسی جریانلرف مدنی جماعهچیلیک و عیاللردن تشکیل ایتیلهدی.
ینگی هیأت ایجاد ایتیلهیاتگن بیرچاغده، طالبان گروهی نمایندهلری حکومت نینگ سابق هیأتی بیلن اوچرهشمهگن.
اجراییه ریاستی سوزلاوچیسینی اورین باسری امید میثم نینگ ایتیشیچه، مذکور هیأت نیاز و شرایط اساسیده، ایجاد ایتیلهدی.
اونینگ کوپهیتیریشیچه، تینچلیک سوزلشوولرینی زمانی و مکانی حاضرگچه معلوم بولمهگن و شونینگدیک، طالبان حاضرگچه بو توغریده علاقه کورستمهگن.
عین حالده، تینچلیک عالی کینگشی مسؤوللری نینگ ایتیشیچه، تینچلیک سوزلشوولری ینگی هیأتی نینگ ترکیبی دن خبرسیز دیر.
تینچلیک عالی کینگشی سوزلاوچیسینی اورین باسری اسدالله زایری نینگ ایتیشیچه، افغانلر ارا تینچلیک سوزلشوولری توغریسیده طالبان گروهی تامانیدن کورسهتیلگن موضوعلر ایجابی دیر.
بوندن آلدین، حکومتی بیر منبع نینگ سلاموطندارگه ایتیشیچه، طالبان گروهی بیلن آمریکا نمایندهلری آرهسیده یولگه قوییلهدیگن تینچلیک سوزلشوولرینی آلتینی دوریده حکومت اجراییه باشلیغی عبدالله عبدالله هم اشتراک قیلیشی ممکن.
