طالبان گروهینینگ بیر خبرنامه آرقهلی، قطر تینچلیک ییغینیده اشتراک قیلهدیگنلر رویخط گه قرشی کیلیب ایتیشیچه، بو ییغیننینگ تنظیم قیلهدیگنلر، یالغیز کابلدن 250 کیشینی قبول قیلمهیدی.
طالبان گروهینینگ اعلامیهسیگه کوره، شونینگدیک، ییغینلرده بوندهی اشتراکلر رواج ایمس و بو رویخط آرهسیدن نهایی رویخط گه آتلری بولگن محدود سیاسی شخصیتلر و قوم بویوکلر اشتراک قیلهدی.
مذکوره اعلامیهده کوپهیتیریلیشیچه، «بو رویخط نی تهیهقیلهدیگنلرنینگ درک قیلیشی کیرهککه بو توی مراسمی و یا-ده کابل رستورانتلریدن بیریگه مهمانلیک ایمس، بلکیم خلیجی بیر مملکتده منظم و پلان بولگن بیر ییغین دیر.»
طالبان گروهی گه کوره، «کابل ادارهسی شوندهی رویخط نی تیارلب و ترقهتیش بیلن تینچلیک یوتوقلرده علاقهسی بولمهگنینی بیللی قیلهدی و بوندهی حرکت بیلن بو لایحهنی تخریب قیلیشنی ایستهیدی.»
اوشبو گروه نینگ ینه بیرمرته تاکید قیلیشیچه، قطر تینچلیک ییغینیده هیچکیم حکومتدن نمایندهلیک قیلمهیدی.
شوتوغریده…
- قطر تینچلیک ییغینیده حکومت تامانیدن اشتراک قیلهدیگن هیأت رویخطی مشخص بولدی
- تینچلیک سوزلشوولر؛ آمریکا و طالبان نمایندهلری قطرده اوچرهشهدی
قطر تینچلیک ییغینیده اشتراک قیلهدیگنلر رویخطی اوتگن کونی حکومت تامانیدن ترقهتیلدی. اوشبو رویخط ده 160 کیشی جمهورلیک ریاستی تامانیدن و 80 دن آرتیق کیشی سیاسی جریانلر تامانیدن جایلشتیریلگن.
افغانستان حکومتی و طالبان گروهینینگ آرهسیده بولگن تینچلیک سوزلشوولرنی کیلهجک هفته شنبه و یکشنبه کونی قطر نینگ دوحه شهریده یولگه قوییلیشی ممکن.
