غور ولایتی بوییچه ساغلیق‌نی سقلش ریاست مسؤوللری نینگ ایتیشیچه، طالبان گروهی تامانیدن رخصت بیریلمه‌گنی باعث، مذکور ولایتده کوز موسومی ده ایملش دستوری تطبیق ایتیلمه‌گن.
بوگون «شنبه» غور ولایتیده ایملش دستوری (پولیو) خلق ارا کونیدن نشانلش ییغینده مذکور ولایت بوییچه ساغلیق‌نی سقلش ریاست باشلیغی جمعه گل یعقوبی نینگ ایتیشیچه، غور ولایتیده‌گی باله‌لردن 70% طالبان تامانیدن رخصت بیریلمه‌گنی باعث، ایملش دستوری یا-ده پولیو واکسینی دن محروم قالگن.
جناب یعقوبی گه کوره، کوز موسومی ده تطبیق ایتیله‌دیگن ایکی دور ده 192 مینگ و 899 باله‌دن یالغیز 47 مینگ و 257 باله واکسین بولگن.
اوشبو ییغینده غور ولایت کینگشی باشلیغی فضل‌الحق احسان، بو ولایتده ایملش دستوری یا-ده پولیو واکسینی تطبیق ایتیلمه‌گنینی خواطرلی بیلیب ایتیشیچه، طالبان گروهی جنایت‌لری دوامیده ینگی‌لیک‌که فیروزکوه شهری نینگ غربی منطقه‌لریده ساغلیک خذمت‌لری بوییچه فعالیت قیلیب یورگن ایکی عیال نی اولدیرگن.
شونینگدیک، غور مدنی فعاللری بو وضعیت نی خواطرلی بیلیب و بوتون عصیانچی گروه‌لر اینیقسه طالباندن بو ولایتده ایملش دستوری یا-ده پولیو واکسینی تطبیق ایتیلیشی گه توسیق بولمس‌لرینی سوره‌گن.
طالبان گروهی حاضرگچه بو توغریده هیچ نرسه دیمه‌گن.
افغانستان بوییچه ساغلیق‌نی سقلش وزیرلیگی نینگ مسؤوللری تامانیدن بیریلگن معلومات‌لر اساسیده، جاری ییل باشلنگنیدن بویان مملکت بویلب 19 ایجابی ناگرانلیک واقعه رویخط‌گه آلینگن.
شو توغریده…
ناتینچلیک و اوروش؛ 2 میلیون‌دن آرتیق باله ایملش دستوریدن محروم قالگن
