ساووقلیک و آچلیک باعث بالهسینی قولدن بیرگن بیبی معرفتنینگ ایتیشیچه، حکومت دقت سیزلیگی باعث ینگی دنیاگه کیلگن بالهسینی قولدن بیرگن.
اونینگ ایتیشیچه، کمیده ایکی آیدن بویان خیمهنینگ آستیگه حیات کیچیرهدی؛ بیراق حاضرگهقدر مرکزی و محلی حکومت اولر وضعیتیگه هیچقندی دقت قیلمهگن.
اونینگ آگاهلنتیریشیچه، حاضرده باشقه قطار بالهلر یمان وضعیتده خیمهلرنینگ آستیگه حیات کیچیرهدیلر و ساووقلیک و آچلیک اولرنی تهدید قیلهدی.
فاریاب اوروشلریدن آواره بولگن قطار عایلهلر جوزجان-فاریاب قتناو یولینی یاپیب قوییگنلر. اولرنینگ ایتیشیچه، 41 کوندن بویان آواره دیرلر؛ بیراق حاضرگهقدر قیچقندی همکارلیک صورت تاپمهگن.
اولرنینگ کوپهیتیریشیچه، اوتگن نیچه کون جریانیده 13 باله ساووقلیک و آچلیک باعث جان بیرگنلر و باشقه 40 بالهنینگ ساغلیق وضعیتی خواطرلنتروچی دیر.
جوزجان ولایتی بوییچه مهاجرلر ادارهسی باشلیغی عبدالمالک رستمینینگ سلاموطندارگه ایتیشیچه، آوارهلر مکتبلر و مناسب محللرگه جایلشتیرهدیلر.
مهاجرلر ادارهسینینگ باشلیغیگه کوره، بو عایلهلرگه یاردم بیریش محلی حکومت کوچیدن یوقاری و مرکزی حکومتنینگ بو توغریده دقت قیلیشی کیرهک.
رستمینینگ کوپهیتیریشیچه، 2018-ییلده کمیده 11 مینگ 374 عریضه اوشبو ادارهگه کیلگن و بو جملهدن 4 مینگ 440 عریضهگه جواب قیتهریلگن.
