اوشبو هجوم بوگون "چهارشنبه" ایرتهدن چاغیده لغمان ولایتی نینگ علیشنگ تومنیده یوز بیرگن.
ایچکی ایشلر وزیرلیگی نینگ اعلان قیلیشیچه، بوگون "چهارشنبه" ایرتهلب ساعت 6 ده یوک تاشیووچی بیرموترگه جایلشتیریلگن پارتلاوچی ماده لغمان ولایتی نینگ علیشنگ تومنی پولیس قومندانلیگی برابریده پارتلهتیلگن.
ایچکی ایشلر وزیرلیگیگه کوره، مذکور هجوم نتیجهسیده، 1 تینچ اهالی شامل 3 کیشی هلاک و باشقه 30 کیشی یرهلنگن دیر.
عینحالده، لغمان حاکمی سوزلاوچیسی اسدالله دولتزی نینگ سلاموطندارگه ایتیشیچه، پارتلش یوز بیرگن ساحهده بیر مسجد و بیر دینی مدرس جایلشگن دیر و پارتلش نتیجهسیده، مذکور مدرسه اوقووچیلریدن 20 تهسی یرهلنگن دیر.
لغمان حاکمی سوزلاوچیسیگه کوره، بو واقعهده کوپ قطار مسکونی اویلر تخریب ایتیلگن.
عینحالده، لغمان ولایتی بوییچه ساغلیقنی سقلش ریاستی باشلیغی عبدالجلیل معروف نینگ ایتیشیچه، بالهلر و عیاللر شامل 25 یرهدار ساغلیک مرکزلرگه انتقال بیریلگن.
طالبان گروهی بو هجوم مسوولیتینی بوینیگه آلگن و مذکور هجومدن مقصد علیشنگ پولیس قومندانلیگی بولگنینی بیلدیرگن.
