ننگرهار حاکمی سوزلاوچیسی عطاالله خوگیانی نینگ سلاموطندارگه ایتیشیچه، بو ولایتده کیین مه کیین آلتی پارتلش یوز بیرگن و نتیجهده 17 کیشی یرهلنگن.
اونگه کوره، واقعه یرهدارلریدن 3 تهسی نینگ احوالی آغیر گزارش بیریلگن.
شونینگدیک، ننگرهار پولیس قومندانلیگی سوزلاوچیسی مبارز اتل نینگ ایتیشیچه، بو ولایتده یوز بیرگن کیین مه کیین پارتلشلرده 19 کیشی یرهلنگن.
اونگه کوره، بیرینچی پارتلش بیرینچی حوزه گه تیگیشلی کهنه ساتووچی بازاری ده یوز بیرگن و نتیجهده 13 تینچ اهالی یرهلنگن.
بیراق، آتی فاش ایتیلیشی نی ایستمهگن حکومتی بیر منبع نینگ سلاموطندارگه ایتیشیچه، ننگرهارده یوز بیرگن کیین مه کیین پارتلشلرده 50 دن آرتیق کیشی یرهلنگن.
اوشبو پارتلشلر مسؤولیتی نی حاضرگهقدر هیچ بیر گروه بوینیگه آلمهگن.
