بوگون "پنجشنبه" ایرته‌لب ساعت 6 ده بیر انتحارچی کیشی یوک تاشیووچی موترده جای‌لشتیرگن پارتلش ماده‌نی زابل ولایتی کسلخانه و ملی خوفسیزلیک اداره‌سی ییقینیده پارتلتگن.
زابل حاکمی سوزلاوچیسی گل‌اسلام سیال نینگ ایتیشیچه، بو واقعه‌ده حاضرگه‌قدر 14 تینچ اهالی هلاک و باشقه 60 کیشی یره‌لنگن دیر.
اونینگ ایتیشیچه، اوشبو واقعه‌ده هلاک ایتیلگنلر و یرهلنگنلر کسلخانه‌گه بستر بولگن کسل‌لرنینگ اقارب‌لری دیرلر.
جناب سیال نینگ کوپه‌یتیریشیچه، زابل ولایتی کسلخانه‌سی کامل صورتده تخریب ایتیلگن و یرهلنگنلر درمان‌لنیش اوچون خصوصی کسلخانه‌لرگه انتقال بیریلگن.
بو واقعه‌ده کسلخانه اطرافیده بولگن کوپ قطار مسکونی اوی‌لر تخریب ایتیلگن.
طالبان گروهی اوشبو هجوم مسوولیتی‌نی بوینیگه آلگن و اولرنینگ ایتیشیچه، بو هجوم‌دن مقصد ملی خوفسیزلیک ریاستی ایکن.
