نمایندهلر مجلسینینگ اعضاسی و ننگرهار ولایتینینگ پارلماندهگی وکیلی ظاهر قدیر ولایتده داعش گروهی نفوذ قیلگنلیگی بارهسیده اشاره قیلیب ایتیشیچه، ننگرهار زوروانلیک قیلهدیگنلر قبرستانیگه ایلنهدی.
پارلماننینگ بیرینچی اورین باسری بوگون (یکشنبه) ننگرهار ولایتیده بیر خبری ییغینده، تیزلیکده ولایتدهگی داعش گروهینی یوق قیلیش اوچون اهالی همکارلیگی بیلن اوروش باشلشنی ایتگن. او، ولایتنینگ اهالیسیدن مذکور گروهگه قرشی مبارزه قیلیش اوچون تیار بولیشلرینی سورهگن. قدیر داعش گروهیگه ضد قوراللنیب ملی کوچلر یانیگه توریش اوچون تیارگرلیک کورستگن.
او، اوشبو حرکت زمانی توغریسیده بیرار نرسه دیمهگن، اما، قوراللنیشدن نیت داعش حرکیتیگه قرشی مبارزه قیلیشدیگن. ظاهر قدیر بوندن ایکی آی آلدین حکومتگه رمضان مبارک آیینینگ اون بیشیچیسیگه قدر ولایت داعشدن تازهلنمهگن حالده، اوزی اهالی همکارلیگی بیلن قوراللنیب اوروش میدانیگه باریشنی تیلگه آلگن ایدی.
جناب قدیر حکومتنی آگاهلنتیرگندن بیر هفته سونگ، ننگرهار ملی خوفسیزلیک ادارهسینینگ اورین باسری اسدالله فراهی بیر خبری ییغینده، مسوولیت سیز هیچ بیر کیشی قوراللنیب امنیتی ایشلرگه ارهلهشیش حقیگه ایگه ایمس دیگن ایدی.
جناب قدر، بوگون افغانستان جمهور رییسی مملکت جنوب شرقی حوزهسی ولایتلرینینگ بلند مرتبهلی رسمیلری بیلن ویدیو کنفرانس اوتکزیب مسوولیتی بولمهگن هیچ بیر کیشی امنیتی ایشلرگه ارهلهشیش حقی یوق دیگن بیر چاده داعشگه قرشی قوراللنیشنی تیلگه آلگن. شونینگدیک جمهور رییسغنینینگ تاکیدلهشیچه، اهالی مالی و جانی مدافعه ایتیلیشی اوچون دشمننینگ هرقندهی هجومینی بیکار قیلهدی.
عین حالده، ننگرهار ولایتی کینگش اعضالری همده یاش اولوغلری اوشبو ولایتنینگ ایریم حدودلریده داعش فعالیتی توغریسیده خواطر بیلدیرگنلر. اوشبو گروه مذکور ولایتده قوراللی طالبلرنی اورتهدن کوتاریب ایریم منطقهلر ادارهسینی قولگه آلگنی ایتیلهدی.
