مملکت ایچکی ایشلر وزیری نورالحق علومی نابرقرارلیکلر آشیشی و امنیتی ادارهلر لوازمیگه کیشیلر قندهی تعیین ایتیلیشی بارهسیده معلومات بیریش اوچون مجلسگه چقیرتیریلگن ایدی. اما، علومی مجلس اعضالری کوپچیلیگینینگ قانیقتیریشگه موفق بولدی.
جناب علومی بوگون (دوشنبه) مملکتده نابرقرارلیک آشگنی بارهسیده نمایندلر تامانیدن بیریلگن سوراققه جواب قیتریشیچه، افغانستان امنیتی کوچلری مملکت توپراغینی مدافعه قیلیش کوچیگه ایگه. اما جهازلنگن هوا کوچلری بولمهگنی و آغیر قورال اسلحه یوقلیگی مملکت ملی کوچلری قابلیتینی معماگه روپه ره قیلیب، بو بوشلیق قوراللی طالبلر فایدهلهنیش شرایطینی یر تگن.
عملومیگه کوره، ایچکی ایشلر وزیرلیگی ایریم مملکتلردن کومک آلیش بیلن هوا و ملی پولیس کوچلری اوچون حربی جهاز قولگه کیریتهدی.
شونینگدیک اونینگ ایتیشیچه، پولیس عسکرلرینینگ جسدلری کونلب جبههده قالهدی لیکن اساسی تجهیزات بولمهگنی مذکور وزیرلیک اکمالات بولیمینی هم قیینچلیککه دوچار قیلگن. اونگه کوره، ایچکی ایشلر وزیرلیگی حاضر34 ولایت اوچون حربی جهازگه احتیاجی بار، اما اولرنی تیارلش اوچون عاجز.
مملکت نابرقرارلیگی اوچون قوشنی مملکتلر ارهلَشیشینی ایتگن جناب علومی، داعش گروهی جنگرلری پاکستانده تربیهلنگندن سونگ افغانستانگه یوباریله دیلر دیگن.
ایچکی ایشلر وزیری، پولیس بلند مرتبهلی رسمیلری تنلهنیشی اوچون هیچ قندهی حزبی همده قومی یاندهشیلمهگن یقینده مذکور وزیرلیککه 40 کیشی ینگیدن تعیین ایتیلگن اولرنینگ برچهسی سابق مجاهدلر دیر. اما بولرنینگ برچهسی مجاهدلر ایچیدن تنلنگنی بارهسیده بیرار نرسه دیمهگن علومی.
ایچکی ایشلر وزیرلیگی استیضاح ایتیلیشی بارهسیده اوتگن هفته نمایندهلر مجلسینینگ 70 اعضاسی قرار آلگن ایدی. بوگونکه ییغین پایانیده مجلسده حاضر 151 وکیل دن کوپچیلیگی جناب علومیگه ایشانچ رایی بیرگنلر.
اساسی قانوننینگ 92- مادهسیگه موافق نمایندهلر مجلسی نینگ 20% اعضاسی وزیرلردن هر بیرینی استیضاح قیلهآله دی مذکور وزیر نمایندهلر مجلس اعضالریگه ایجابی جواب بیریه آلمهگنده، مجلس اونی ایشدن آلیشی ممکن.
جناب علمومی مجلس تامانیدن استیضاح ایتیلگن ملی بیرلیک حکومتینینگ بیرینچی وزیری دیر.
