سیلاو ایرکین کمیسیونی مسؤوللری نینگ ایتیشیچه، سیلاودن نظارت قیلووچی ادارهلردن بیرقطاری، سیلاو جریانی بیلن پروژهیی یاندهشگنی باعث، سیلاوگه یاردم بیرووچی ادارهلرنینگ قاره رویخطی گه آلینگن.
اولر، هیچ بیر نظارتچی اداره دن آت توتمهگن؛ بیراق ایتیشیچه، سیلاوگه یاردم بیرووچی ادارهلرنینگ قاره رویخطی گه آلینگن نظارتچی ادارهلرگه امکانیت بیریلمهیدی و باشقه سیاسی حزبلر، مدنی ادارهلر و نظارتچی ادارهلر بو جریاندن نظارت قیلهدی.
سیلاو ایرکین کمیسیونی سوزلاوچیسی اورین باسری ذبیحالله سادات نینگ سلاموطندارگه ایتیشیچه، اوتمیشلرده سیلاودن نظارت قیلووچی ادارهلریدن بیرقطاری، سیلاو جریانی بیلن پروژهیی یاندهشگن و بو مسئله باعث، دنیا جماعهچیلیگی و سیلاوگه یاردم بیرووچی ادارهلر، مذکور ادارهلرنی قاره رویخطگه شامل قیلگن.
جناب سادات گه کوره، بو ادارهلر اوتگن سیلاولرده دنیا جماعهچیلیگی دن پول آلگن، لیکن سیلاو جریانیدن توغری شکلده نظارت قیلمهگن.
عین حالده، سیلاودن نظارت قیلووچی ایکی اداره فیفا و تیفا مسؤوللری نینگ ایتیشیچه، جمهورلیک ریاست سیلاوی نینگ نظارت قیلیش اوچون حاضرگهقدر بودجه قولگه کیریتمهگنلر.
افغانستان بوییچه ایرکین و عدالتلی سیلاو بنیادی یا-ده فیفا باشلیغی یوسف رشیدنینگ ایتیشیچه، جمهورلیک ریاست سیلاویدن نظارت قیلیش اوچون حاضرگهقدر بودجه آلمهگنلر و بو قیینچیلیک حل بولمهگن صورتده، سیلاودن نظارت قیلمهیدیلر.
جناب رشیدنینگ ادعا قیلیشیچه، افغانستان سیلاوی گه یادم بیرووچی خلق ارا ادارهلریدن بیری، نظارت پولی نی سیلاودن تجربهسی بولمهگن نیچه اداره نینگ اختیاریده قویگن.
جناب رشید، مذکور اداره دن آت توتمهیدی؛ بیراق ایتیشیچه، اوشبو خلق ارالیک اداره اوتگن سیلاوده سیلاودن نظارت قیلووچی ادارهلرنینگ ایرکینلیگینی سلب ایتیش خصوصیده سعی و حرکت قیلگن.
بیراق، افغانستان بوییچه شفاف سیلاو بنیادی یا-ده تیفا اجراییه باشلیغی نعیم ایوبزاده نینگ ایتیشیچه، دنیا جماعهچیلیگی جمهورلیک ریاست سیلاویدن نظارت قیلیش اوچون بودجه اجرهتمهگن و اولر بودجه بولمهگنده هم سیلاودن نظارت قیلهدیلر.
جمهورلیک ریاست سیلاوی جاری ییل، 6- میزان ده یولگه قوییلیشی خصوصیده قرار قیلینگن و بو جریاندن نظارت قیلیش سیلاو شفافیتی نی تأمینلیدی.
شو توغریده…
فیفا و تیفا: احتیاطی آواز بیریش ورقلری سیلاو شفافیتینی سوراققه دوچ قیلهدی
