.JPG)
بیرلشگن ملت‌لر تشکیلاتی نینگ عیاللر ایشلری بوییچه اداره‌سی یا-ده (UN Women)، «هیکاتا» نامی‌ده بیر برنامه یولگه قوییب مملکت نینگ 27 ولایتیدن عیاللر حقوقی فعاللری بولگن 70 دن آرتیق عیال نی بامیان گه چقیرگن و بو عیاللر تینچلیک سوزلشوولریده عیاللر رولی قنده‌ی بیرشکلده کوپه‌ییشی خصوصیده بیر لایحه ایجاد قیله‌دی.
مذکور اداره مسؤوللری نینگ ایتیشیچه، عیاللر حقوقی گه حرمت قیلینمه‌یدیگن تینچلیک دایمی بولمه‌یدی.
افغانستان بوییچه بیرلشگن ملت‌لر تشکیلاتی نینگ عیاللر ایشلری بوییچه اداره‌سی مسؤولی الیتا میلرنینگ ایتیشیچه، بو برنامه‌ده عیاللر حقوقی فعاللری، افغانستان تینچلیک جریانیده سهم آلیش خصوصیده ریجه‌لری و برنامه‌لرینی بیان قیله‌دیلر و بوندن کیین، مذکور اداره بیر دستوری تأمینات توزه‌ته‌دی و عیاللر ایسه مملکت بویلب تینچلیک سوزلشوولریده سیس‌لرینی چیقاریش اوچون اوندن فایده‌لنه‌دی.
شو توغریده عیاللر وزیرلیگی اورین باسری نبیله مصلح نینگ ایتیشیچه، طالبان گروهی بیلن افغانستان تینچلیک سوزلشوولریده عیاللر رولی حاضرگه‌قدر جدی آلینمه‌گن و نماییشی شکلده قالگن.
بیراق، عیاللر وزیرلیگی اورین باسری، بونده‌ی برنامه‌لر یولگه قوییلیشی‌نی تینچلیک سوزلشوولریده عیاللرنینگ سیسی ایشیتیلیشی خصوصیده تأثیرچن دییدی.
.JPG)
اوشبو برنامه‌ده اشتراک قیلگن عیاللر حقوقی فعاللریدن بیرقطاری، تینچلیک سوزلشوولری تامانلریدن تینچلیک اوچون عیاللرنینگ اولویت‌لری ایشیتیلیب و اولرنینگ حقوقی دن مدافعه قیلینیشی نی طلب قیلگن‌لر. اولرنینگ ایتیشیچه، اوشبو برنامه و دنیا اداره‌لری آرقه‌لی افغانستان عیاللری نینگ ایستک‌لری و سیس‌لری تینچلیک سوزلشوولر تامانلری نینگ قولاغی گه ییتیشی توغریسیده امید بیلدیره‌دیلر.
بیرلشگن ملت‌لر تشکیلاتی نینگ عیاللر ایشلری بوییچه اداره‌سی مسؤوللری، «هیکاتان» برنامه‌سینی افغانستان خوفسیزلیگی، تینچلیگی و عیاللری خصوصیده اینگ کته برنامه بیلیب و ایتیشیچه، بو برنامه تورت کونگچه بامیانده دوام ایته‌دی.
اوشبو برنامه‌ده اشتراک قیلگن عیاللرنینگ ایتیشیچه، آمریکا و طالبان گروهی نماینده‌لر آره‌سیده اوتکزیلگن آلتی دور تینچلیک سوزلشوولریده عیاللر اوچون خاص بیر اورین نظرگه آلینمه‌گن.
