.JPG)
بوگون «چهارشنبه» جوزجان ولایتیده عیاللر کونیدن نشانلش مراسم‌ده یوزلرچه عیال حضوریده جمهورلیک ریاستی بیرینچی اورین باسری جنرال عبدالرشید دوستم نینگ ایتیشیچه، مملکت شمالی‌ده ناتینچلیک‌لر شدتلنیشی برابریده بوش تورمه‌یدی.
جمهورلیک ریاستی بیرینچی اورین باسری نینگ آگاه‌لنتیریشیچه، شمالی ولایت‌لرده بولگن فشارلر کوپه‌یگن صورتده، جوزجان پولیس قومندانلیگی یانیده توختب دولت‌گه قرشی قوراللی گروه‌لر برابریده اوروشه‌دی.
جناب دوستم نینگ کوپه‌یتیریشیچه، اونگه ییتیشگن معلومات‌لرگه کوره، طالبان گروهی نینگ 30 مینگ کیشی‌لیک قیزل قطعه اعضالری پارتلووچی ماده جای‌لشتیریلگن 50 عراده موتر و خودکش واسکت‌لر بیلن مملکت شمالی ولایت‌لریده کیلیش اوچون قرار قیلگن.
.JPG)
جمهورلیک ریاستی بیرینچی اورین باسری، عیاللرنینگ سیلاو لایحه‌سی و کته قرارلرده قوشیلیشی اوستیگه تاکید قیلیب و طالبان رهبرلریدن بیر حل یول تاپیش بیلن اوروش‌گه نقطه قویش‌لرینی سوره‌گن.
عین‌حالده، جوزجان یشاوچی‌لریدن بیرقطاری نینگ ایتیشیچه، جوزجان ولایتی نینگ 9 تومنیده طالبان گروهی نینگ فعالیت‌لری کوپه‌یگن و اوشبو گروه جنگریلری قطار تومن‌لر قتناو یوللرینی باغله‌گن دیر.
بوتوغریده ملی مدافعه وزیرلیگی فکری‌نی آلیش اوچون سعی و حرکت قیلدیک، بیراق موفق بولمه‌دیک.
