فاریاب ولایتینینگ شیرینتگاب تومنیده 300 حربی عسکر طالبان گروهی نینگ قمراویده قالگنی توغریسیده سلاموطندار تامانیدن گزارش نشر قیلینگنیدن سونگ، 209 شاهین قول اردو قومندانلیگی بیر اعلامیه ترقهتیب سلاموطندارنی امنیتی کوچلرنینگ روحیهسینی کوچسیزلنتیریش گه عیبلهدی.
209 شاهین قول اردو قومندانلیگی نشر قیلگن اعلامیهسیده 300 عسکر طالبان گروهی نینگ قمراویده قالگن موضوعی نی رد قیلیب ایتیشیچه، شیرینتگاب تومنیده خوفسیزلیک تأمین دیر و مذکور تومنده جایلشگن امنیتی کوچلرنینگ هیچ بیر قیینچیلیگی یوق دیگن ایدی.
بیراق، سلاموطندارنینگ گزارشی دن بیر هفته اوتگنیدن سونگ، اوتگن کون مذکور تومن نینگ خوفسیزلیک قومندانی شیرینتگاب بازاریده سوءقصدگه دوچ کیلیب و یرهلندی.
سلاموطندارگه صحبت بیرگن فاریاب پولیس قومندانلیگینی سوزلاوچیسی عبدالکریم یورش نینگ ایتیشیچه، شیرینتگاب تومنی نینگ خوفسیزلیک قومندانی میرحمزه شیرزاد بیر قوروقچیسی بیلن بیرگه تومن بازاریده اوققه توتیلگن.
شو توغریده…
فاریاب؛ 300 حربی عسکر طالبلرنینگ قمراویده قالگن
فاریابده ناتینچلیکلر شدتلنگن؛ اونلرچه عایله یول چیکَّهسیده یاتیشهدیلر
فاریاب ولایتیده 35 یاشر بیر عیال ساتیلگن
فاریاب ولایتی نینگ شیرینتگاب تومنی میمنه-مزارشریف قتناو یولیده جایلشگن و محلی مسؤوللرگه کوره، بو تومن نینگ هیچ بیرقیشلاغی دولت نینگ نظارتی ده ایمس دیر.
سلاموطندارنینگ ایلگری گزارشی اساسیده، طالبان گروهی مذکور تومن نینگ 200 مترلیگی گه ییتیشگن.
اوشبو موضوع گه علاوه، مذکور گروه نینگ جنگریلری ایستهگن زمانلریده چیکپاینت ایجاد قیلیب و مذکور تومن نینگ بازاری یقینیده اهالینی اذیت قیلهدیلر.
