قویاش 1397- ییل، 1- حمل نوروز کونیده کابلده یوز بیرگن خودکش هجوم و اوتگن کون کیچ قورون هلمند ولایتیده پارتلاوچی ماده دن توله بولگن موتر پارتلهشی نمایندهلر کینگشی اعضالرینینگ جدی عکسالعمللریگه روپهره بولدی.
نمایندهلر کینگشینینگ بوگونکی عمومی ییغینیده نمایندهلردن بیرقطارینینگ ایتیشیچه، ملی خوفسیزلیک عمومی باشلیغی خودکش هجومچیلر قییرده بولگنینی بیلهدی؛ بیراق اولرنینگ قولگه آلیش توغریسیده هیچ بیر ایش قیلمهیدی.
نمایندهلر کینگشی اعضالریدن شکیبا هاشمی و نظیفه ذکینینگ ایتیشیچه، جناب استانکزی نیچه مرته بیزلردن حمایت قیلیشیمیزنی ایستهگن و اونینگ اوزی کیملر ترورچیلردن حمایت قیلیشینی بیلهدی. بیراق، نیمه اولرگه توسیق بولمهیدی؟
عین حالده، نمایندهلر کینگشی اعضالریدن باشقه بیرقطاری، امنیتی مسؤوللرنی خوفسیزلیک تأمینلنیشی خصوصیده، بیفرق یاندهشیش گه عیبلب و اولر استیضاح بولیشلرینی سورهگنلر.
بو آرهده نمایندهلر کینگشی باشلیغی گه خطاب نفیسه عظیمی و محمدعارف رحمانینینگ ایتیشیچه، ملی خوفسیزلیک عمومی باشلیغی معصوم استانکزی و ایچکی ایشلر وزیری ویساحمد برمک استیضاح ایتیلیشی لازم.
ایتیش کیرهک، نوروزنینگ بیرینچی کونیده کابل بیلیم یورتی یقینیده یوز بیرگن خودکش هجومده 29 کیشی هلاک و 50 دن آرتیق کیشی یرهلنگن و بو هجوم مسؤولیتینی داعش گروهی بوینیگه آلگن. شونینگدیک، اوتگن کون کیچ قورون هلمند ولایتینینگ مرکزی لشکرگاه شهریده پارتلاوچی ماده دن توله بولگن موتر پارتلهشی نتیجهسیده، 15 کیشی هلاک و 50 دن آرتیق کیشی تَن جراحت آلگن.
هلمند ولایتیده یوز بیرگن پارتلش مسؤولیتینی حاضرگچه کیمسه بوینیگه آلمهگن.
