بوگون «چهارشنبه» یشش محیط‌نی سقلش ملی اداره‌سی، «تورلی حیات، ییمه‌گیمیز و ساغلیگیمیز» نامی‌ده بیر ییغین یولگه قوییب کابل‌ده تورلی حیات خلق ارا کونی‌نی نشانله‌دی.
یشش محیط‌نی سقلش ملی اداره عمومی باشلیغی شاه‌زمان میوندی نینگ ایتیشیچه، دواملی اوروشلر، هوا اوزگریشی، جمعیت کوپه‌ییشی و حیوانلر شفقت‌سیز شکلده آولنگنی باعث، حیوانلردن بیرقطاری انقراض گه اوچره‌گن و باشقه بیرقطاری هم انقراض تهدیدی گه روپه‌ره بولیب تورگن‌لر.
اونینگ ایتیشیچه، افغانستانده یولبرس و چیتا نسلی یوقالگن و باشقه 149 تور حیوان یوقالیش تهدیدی گه روپه‌ره بولیب تورگن.
عین حالده، کابل حیوانات باغی اداره‌سی آمری عزیزگل ثاقب نینگ ایتیشیچه، تیکشیروولر اساسیده قولگه کیریتیلگن معلومات اساسیده، افغانستانده چمه‌سی 4 مینگ تور سبزوات، 500 تور حیوان، 100 تور دن آرتیق بلیق و کمیده 100 تور خزنده موجود دیر.
ثاقب گه کوره، حاضر کابل حیوانات باغی ده 100 تور گه یقین حیوان، قوش و خزنده معیاری شکلده سقلنه‌دی.
اونینگ کوپه‌یتیریشیچه، اوتگن ییل کابل حیوانات باغی نی بیر میلیون کیشی کوریب چیققن و بو آره‌دن 75 مینگ ته‌سینی کم‌بغل و کودکستان باله‌لری، اوقووچی‌لر و طلبه‌لر تشکیل بیره‌دی.
یشش محیط‌نی سقلش ملی اداره مسؤوللری نینگ ایتیشیچه، میلادی 2019- ییل‌ده خلق ارا (جی.یو.سکس) تامانیدن نشر ایتیلگن گزارش گه کوره، تورلی حیات و اکوسیستم‌لرنی بوزیلیش میزانی اوتگن ییل‌لرگه نسبتن مینگ برابر کوپه‌یگن.
