غور ولایتی نینگ مخدر مادهلرگه قرشی کورهش ادارهسی مسووللری، 2014- ییلده افغانستان مخدر مادهلرگه قرشی کورهش وزیرلیگی، کابلدهگی امریکا قوشمه ایالتلری نینگ ایلچیلیگی و (یو، این، دی، سی) ادارهسی تامانیدن ولایتیده اوتکزیلگن سوراوده مذکور ولایتده مخدر مادهگه بیریلگن 70مینگ کیشی موجودلیگی اورگهنیلگن ایدی، اما بو رقم ایسه اوتگن ییل 50 مینگدن کمیگن دیگنلر.
غور ولایتی نینگ مخدر مادهلرگه قرشی کورهش ادارهسی باشلیغی محمد یوسف وکیلی، بو حساباتلرگه قرهگنده اوشبو ولایتدهگی بنگی وار مادهسیگه بیریلگنلرنینگ سانی 20% کمیگن لیگینی سلاموطندارگه ایتگن.
شونینگدیک جناب وکیلی ولایتده مخدر مادهنی ایشلب چیقاریش هم 29% کمیگن لیگی بارهسیده خبر بیرگن. «یو، ان، دی، سی» ادارهسی تامانیدن میلادی 2015- ییلده اوتکزیلگن سوراوده غور ولایتیده 1700 مینگ هکتار ییرده کوکنار ایکیلگنلیگی اورگهنیلگن. بیراق، میلادی 2016- ییلده بو رقم ایسه 1200 هکتار ییرگه کمیگن. بو رقم ایسه 2015- ییلگه قرهگنده 29% کمیگن لیکنی کورستهدی دیگن رسمیلر.
غور ولایتیده مخدر مادهگه بیریلگنلر همده کوکنار ایشلب چیقاریش میزانی کمیگنلیگیگه قرهمی، بیراق ولایتده مخدر مادهلرگه بیریلگنلرنی دوالَش مرکزی آزلیگی بنگی وار مادهسیگه بیریلگنلرنی دوالش یولیدهگی کته قیین چیلیکلردن حسابلنهدی.
حاضرگی کونده فقط ولایتده مخدر مادهلرگه بیریلگنلرنی دوالش اوچون 20 بسترلیک شفاخانه فعالیت قیلهدی بو ایسه دوالش جریانینی بعضی بیر قیینچلیکلر بیلن دوچار قیلگن لیگی تیگیلشی ادارهلر رسمیلری آرقهلی تیلگه آلینگن.
بنگیوار مادهسیگه بیریلگنلرنی دوالش شفاخانهسی نینگ باشلیغی داکتر محمد عمر لعلزاد، ولایتده مخدر مادهگه بیریلگنلرنی دوالَش اوچون ییترلی درجهده مرکزلر بولمهگنلیگی کوپینچه معتادلر دوالهنیشنی کوتیب قاله دیلر بو مساله اولرنینگ قیتهدن مخدر مادهسیگه یوز کیلتیریشیگه مجبور قیلهدی دیگن. شونیگدیک بو اداره نینگ باشلیغی ولایتدهگی مخدر مادهلرگه بیریلگن 50 کیشیدن 10 مینگینی خاتینلر و ایسبرون یاشلر تشکیل ایتیشینی ایتگن.
غور مخدر مادهلرگه قرشی کورهش ادارهسی نینگ مسوولری، قشاقلیک، یوق سیللیک، عایلهوی زورانلیک، بنگی وار مادهسیگه بیریلگنلرنی دوالش مرکز آزلیگی کبی مسالهلر ولایت اهالیسی نی بو مادهگه یوز کیلتیریشی اوچون بیرینچی عامل حسابنلهدی دیگن.
