قاچقینلر و باش پناه ایزلاوچیلر وزیرلیگی نینگ مسووللری، ایران و پاکستاندهگی افغان قاچقینلردن 3 میلیون تهسیگه قانونی اقامت زمینهسی یرهتگنلریدن خبر بیرگن.
بوگون "دوشنبه" کابلده یولگه قوییلگن ملت گه حکومت جواب بیریش ملی برنامهده قاچقینلر و باش پناه ایزلاوچیلر وزیری سیدحسین عالمی بلخی نینگ ایتیشیچه، اوشبو وزارت ایران و پاکستان مقاملری بیلن صحبت قیلگنیدن سونگ، 3 میلیون و 150 مینگ افغان قاچقینگه قانونی اقامت زمینهسینی یرهتیشگه موفق بولگن.
جناب بلخی نینگ ایتیشیچه، ایران ده بولگن مدرکسیز قاچقینلرنینگ حضورینی قانونی بولیشی توغریسیده کیلیشیلگن و حاضرده 800 مینگ کیشی اقامت حجتینی قولگه کیلتیرگن.
قاچقینلر و باش پناه ایزلاوچیلر وزیری نینگ کوپهیتیریشیچه، پاکستانده افغان قاچقینلری نینگ حضورینی قانونی بولیشی خصوصیده سعی و حرکتلرنی دوامی بار و حاضرگهقدر 1.4 میلیون افغانستانلیک مهاجر اقامت حجتی قولگه کیلتیرگن.
ملت گه حکومت جواب بیریش ملی برنامهده مملکت ایکینچیلیک و چارواچیلیک وزیری نصیراحمد درانی جاری ییلده 340 سوو یتکیزیش شبکه نینگ تکمیل ایتیلیشیدن خبر بیرگن.
ملت گه حکومت جواب بیریش ملی برنامه حکومت مقاملرینینگ ملت گه گزارش بیرهدیگن کته برنامهلردن دیر. اوشبو برنامه اوتگن هفته چهارشنبه کونی باشلهنیب و ایکی هفته گهقدر دوام تاپیشی ممکن.
