مملکت قاچقینلر ایشلری بیلن مشغول وزیرلیک نینگ مسووللری، اروپا دولتلریدن افغانستانلیک قاچقینلر درخواستینی قبول قیلیشنی سورهگن.
جون آیی نینگ ییگیرمنچیسی خلق ارا قاچقینلر کونی. بوگون مملکت قاچقینلر ایشلری بیلن مشغول وزیرلیک تامانیدن ملی و خلق ارا تشکیلاتلر نمایندهسی حضوریده خلق ارا قاچقینلر کونی نشانلندی.
افغانستان مهاجرلر وزیری سید حسین عالمی بلخی، اروپا دولتلریدن افغانستاندهگی نابرقرارلیک همده زوروانلیکلرنی انابتگه آلیب باش پنه سورهگنلرنی قبول قیلیشنی تکلیف قیلگن.
اونینگ سوزلریگه کوره، افغانستانده نابرقرارلیک میزانی آرتیشی بیلن خارج دولتلرده هم افغان فقراسی نینگ سانی آشگن.
مملکت قاچقینلر ایشلری بوییچه وزیر جناب بلخی، اروپا دولتلریدن افغنستانلیک مهاجرلر بیلن کمسیتیش یوزهسیدن یاندهشمسلیکلری بارهسیده علیحده تاکید قیلگن.
جناب بلخی: « هنوزگچه 247 مینگ قاچقین نینگ پناهندهلیک ایستهگی اروپا دولتلری آرقهلی قبول بولگن و 582مینگ کیشی پناهندهلیک درخواست بیرگنلرنینگ ایچیدن 45% اروپا دولتلریده قالیشی تصدیق» بولگن دیدی.
ملی بیرلیک حکومتی نینگ اجراییه ریاستی نینگ باشلیغی عبداللهعبدالله، افغانستانلیک قاچقینلر قیین چیلیگی حل بولیشی اوچون بوتون لایحهلر و طرحلر عملی قیلینهدی دییه وعده بیرگن.
شونینگدیک اروپا اتفاقی افغانستانلیک قاچقینلر مشکلی حل بولیشی بارسیده خبر بیرگن. تشقی مملکتلردهگی مهاجرلر همده ایچکی آوارهلر قیین چیلیگی بر طرف ایتیلیشی اوچون 100 میلیون دالر حکومتگه کومک قیلهدی دیگن اروپا بیرلشمهسی نینگ رسمیلری.
