بوگون "چهارشنبه" میدانوردک یشاوچیلریدن بیرقطاری نارضلیک نمایش یولگه قویب کابل-بامیان و کابل- قندهار قتناو یولینی یاپیب قویگنلر.
نارضچیلر، رسمی مکتوب لرگه وردک اورنیده، میدانوردک یازیلیشی، مذکور ولایت مرکزیده بیر دولتی بیلیم یورت قوریلیشی و بوتون قوملر برابر شکلده دولتی ادارهلر گه یرلشتیریلیشی نی سورهگن لر.
میدانوردک ولایت کینگشی اعضاسی شریفالله هوتکنینگ ایتیشیچه، حکومت میدانوردک یشاوچیلری قیینچیلیگینی حل قیلیش خصوصیده ایکی هفته آلدین وعده بیرگن ایدی؛ بیراق حاضرگهقدر هیچقندی دقت قیلمهگن. اونینگ آگاهلنتیریب ایتیشیچه، میدانوردک یشاوچیلرینینگ ایستهک لریگه حکومت دقت قیلمهگن صورتده ناراضلیکلری نی کینگیتیرهدیلر.
میدانوردک حاکمینینگ سوزلاوچیسی عبدالرحمان منگلنینگ ایتیشیچه، اهالی قیینچیلیگینی حل قیلیش اوچون محلی حکومت سعی و حرکت قیلماقده و تیزلیککه ناراضچیلر ایستهکلرینی مرکزی حکومت گه یتیشتیرهدیلر. اونینگ ایتیشیچه، ایکی هفتهدن بویان رسمی مکتوبلرگه میدانوردک یازیلهدی و بیلیم یورت موضوع سی هم مسووللر بیلن شریک ایتیلگن و تیزلیککه بو توغریده دقت ایتیلهدی.
میدانوردک یشاوچیلری، ایکی هفته آلدین هم ناراضلیک نمایش یولگه قویب بوتون دولتی ادارهلرنی یاپیب قویگن ایدیلر، بیراق محلی حکومت تامانیدن وعده بیریلگن دن سونگ اوشبو ناراضلیک یکونلهنگن ایدی. عینحالده، ناراضچی لرنینگ ایتیشیچه، حکومت بیرگن وعده لریگه عمل قیلمهگن.
