هرات محلی رسمیلرنینگ ایتیشیچه، ولایت کرخ، اوبه و پشتونزرغون تومنلریده یوزبیرگن سوو تاشقینلری، جانی و مالی زیان ییتکیزگن.
هرات طبیعی حادثهلرگه قرشی اداره باشلیغی عبدالحمید مبارزنینگ سیلاموطندارگه ایتیشیچه، یوزبیرگن سیل تاشقینلر نتیجه سیده کرخ تومنیده 5کیشی و اوبه تومنیده ایکی کیشی هلاک بولگن. کرخ تومنیده11 تینچ اهالی و اوبه تومنیده 2 کیشی تن جراحت آلگن.
شونینگدیک مذکور طبیعی حادثهده کرخ، پشتونزرغون و اوبه تومنلریده یوقالگن.
کرخ تومنیده انسانی تلفات یانیده 700 جریب ییر و 20 اولتیریش اوی بوزیلگن، شونینگدیک پشتونزرغون و اوبه تومنلریده اونلرچه جریب ییر و 50 ته مال اورتهدن کیتکن.
شونینگدیک فاریاب و بغلانده روی بیرگن سهشنبه کونگی سیلتاشقینلریده یوزلرچه عایله باش پناه سیز بولگن ایدی.
ایتیلیشیچه بو سوو تاشقینلرده مرکزی بغلان تومنیده بیر کیشی هلاک بولیب و باشقه 14 کیشی مرکزی بغلان و نهرین تومنلریده تن جراحتی آلگن.
بغلانده محلی رسمیلرنینگ سیلاموطندارگه ایتیشیچه، اوتکن ایکی کونده مرکزی بغلان، نهرین، دوشی و دهنه غوری تومنلریده یاغینگرچیلیکلر بولیب اوتگن ایدی.
نیچه کون آلدین، فاریاب و بغلانده یوزبیرگن سوو تاشقینلر نتیجه سیده 8 کیشی هلاک بولگن ایدی. بو سووتاشقینلرده کمیده 30 قشلاق بوزیلیب بیرمینگدن آشه عایلهگه زیان ییتکیزگن ایدی. شونینگدیک مرکزی بغلان تومنیده 500 عایله زیان کوردی.
هرییل اولکه ایریم ولایتلریده ییرقلتیرهش و سوو تاشقینلرکبی طبیعی حادثهلر روی بیریشی بیلن تینچ اهالیدن اونلرچه کیشی هلاکتگه ایتهدی. نیچه هفته آلدین بدخشان ولایتی خواهان تومنیده ییرسیلجیشی عاقبتیده 52 کیشی جان بیرگن ایدی.
