.JPG)
جنوب شرق ولایتلری‌نینگ یشاوچیلریدن یوزلرچه‌سی پکتیا ولایتیده بیر ییغین آرقه‌لی، تینچلیک سوزلشوولرنی افغانستان‌لیک‌لر آره‌سیده باشله‌نیشی و آتیش‌کیسین اعلان ایتیلیشی اوستیگه تاکید قیلگنلر.
اوشبو ییغینده اشتراک قیلگن‌لردن بیری جنتخان منگل نینگ ایتیشیچه، کیچه تاماندن یولگه قویله‌دیگن عملیات‌لرده تینچ اهالی حیاتی‌گه دقت قیلیش، تینچلیک سوزلشوولرنی افغانستان‌لیک‌لر آره‌سیده باشله‌نیشی، آمریکا کوچلری‌نینگ چیقیشی و آتیش‌کیسین اعلان ایتیلیشی اولر اوچون اونملی دیر.
بو ییغینده اشتراک قیلگن‌لردن باشقه بیری حاجی‌خوانی جهانی نینگ ایتیشیچه، افغانستان یشاوچیلری اوروش‌دن خسته بولگنلر. او طالبان گروهی‌دن افغانستان حکومتی بیلن آتیش‌کیسین قیلیشینی ایسته‌یدی.
اونینگ کوپه‌یتیریشیچه، آمریکا و طالبان آره‌سیده صورت تاپه‌دیگن کیلیشوونی مملکت ده تینچلیک تامین ایتیلیشی‌گه سبب بولیشی کیره‌ک.
قطر ده افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد و طالبان گروهی آره‌سیده بولگن تینچلیک سوزلشوولری‌نینگ 5- دوری یکونلنگنی‌دن سونگ، جنوب شرق ولایتلری‌نینگ یشاوچیلری تینچلیک سوزلشوولرنی افغانستان‌لیک‌لر آره‌سیده باشله‌نیشی‌نی سوره‌یدیلر.
