اداری فسادگه قرشی کورهش ایشلری بوییچه تیکشیرووچی و نظارت قیلووچی قوشمه ایرکین کمیته یا-ده میک، قویاش 1396- ییل، 4- عقرب ده معارف وزیرلیگی ده اداری فساد دن زیان کورهدیگن بولیملرنی تیکشیریش نامیده بیر گزارش نشر قیلگن ایدی و بو گزارش فساد برابریده معارف نینگ کمچیلیکلری و کوچسیزلیکلرینی بیلگیلشی گه علاوه، مذکور وزیرلیکده اصلاحات کیلتیریلیشی اوچون 113 تکلیف قیلگن.
مذکور کمیته مسؤوللری ینه-ده بیر گزارش نشر قیلیب ایتیشیچه، معارف وزیرلیگی و باشقه همکارلری مذکور کمیته تامانیدن ارایه ایتیلگن 113 تکلیف نی بوتونله ی عمل گه آشیره آلمهگن.
اداری فسادگه قرشی کورهش ایشلری بوییچه تیکشیرووچی و نظارت قیلووچی قوشمه ایرکین کمیته تدقیقاتچیسی حسین رضایی نینگ ایتیشیچه، کمیته تامانیدن ارایه ایتیلگن 113 تکلیف دن 16 ته سی بوتونله ی عمل گه آشیریلگن و کوپینچه سی اوقیتووچیلر تعیین ایتیلیش جریانی گه تیگیشلی بوله دی و باشقه 16 تکلیف 50% عمل گه آشیریلگن.
رضایی گه کوره، بو تکلیفلرگه معارف وزیرلیگینینگ تشکیلاتی کیچیکلنتیریلیشی و قیته تیکلهنیشی، عیاللر اشتراکی کوپهیتیریلیشی، پالیسیلر تیارلنیب و قیته تیکلهنیشی، تعیینات جریانیده شفافیت تأمینلنیشی و بو جریان الکترونیکی قیلینیشی شامل بولهدی.
اونینگ کوپهیتیریشیچه، مذکور کمیته تامانیدن قولگه کیریتیلگن معلومات اساسیده، حاضرگچه معارف وزیرلیگیده اورته بوییچه اصلاحات برابریده قرشیلیک کورستیلهدی.
رضایی گه کوره، بو موضوعلرگه قرهمهی معارف وزیرلیگی نینگ رهبرلیگی اصلاحات کیلتیریش خصوصیده سعی و حرکت قیلهدی.
شو توغریده…
ایچکی ایشلر وزیرلیگیده اداری فساد کینگهیگن
عین حالده، اداری فسادگه قرشی کورهش ایشلری بوییچه تیکشیرووچی و نظارت قیلووچی قوشمه ایرکین کمیته یا-ده میک باشلیغی باری سلام نینگ ایتیشیچه، اوچینچی نظارتی دورده ارایه ایتیلگن تکلیفلردن باشقه 15 تهسی 25% عمل گه آشیریلگن.
اونگه کوره، حاضرگهقدر درسی کتاب و مسلکی اوقیتووچی کملیگی، زوروانلرنینگ ارهلشووی و اوقووچیلرنینگ غیرحاضرلیگی معارف وزیرلیگی اوچون اساسی قیینچیلیکلردن سنلهدی.
جناب سلام نینگ ایتیشیچه، اداری فسادگه قرشی کورهش ایشلری بوییچه تیکشیرووچی و نظارت قیلووچی قوشمه ایرکین کمیته معلوماتی گه کوره، معارف وزیرلیگیده فساد قرشی کورهش گه سبب بولهدیگن سوز موجود دیر.
اونگه کوره، معارف وزیرلیگیده اصلاحات کیلتیریلیشی و فساد کمهیتیریلیشی اوچون تشکیلات کمهیتیریلیب، اساسی مطالعه یولگه قوییلیب، مدیریتی معلومات یخشیلنتیریلیب و معارف وزیرلیگینینگ رهبرلیگیده عیاللرنینگ حضوری کوپهیتیریلیشی کیرهک.
