افغانستان تینچلیگی بوییچه آمریکانی خاص نماینده‌سی زلمی خلیلزاد، طالب‌لرنینگ بوگونکی اعلامیه‌سیگه عکس‌العمل ایتیشیچه، طالبان گروهی مذاکره ایسته‌گن صورتده، بیزلر مذاکره گه حاضر و اولر اوروش ایسته‌گن صورتده، بیزلر هم اوروش‌گه تیار میز.
اونینگ کوپه‌یتیریشیچه، بیزلر طالبان گروهی تینچلیک سوزلشوولریگه تن بیریشلری توغریسیده امید بیلدیره‌میز و اگرده بو ایشنی قیلمه‌ی و اوروش‌گه دوام بیرگن صورتده، آمریکا، افغانستان‌نینگ حکومتی و اهالیسی‌نی یانیده توریب و اولردن حمایت قیله‌دی.
خلیلزادنینگ ایتیشیچه، بیز و بیزلرنینگ خلق ارا بیرلشیک‌لریمیز افغانستان امنیتی کوچلریدن حمایت قیلیش گه فخرلنه‌میز و بو باسقیچ‌ده افغانستان امنیتی کوچلری‌نینگ باسقینی جوده هم اهمیت‌لی دیر.
افغانستانده آمریکا کوچلری‌نینگ حضوری توغریسیده افغانستان تینچلیگی بوییچه آمریکانینگ خاص نماینده‌سی‌نی ایتیشیچه، بیزلر هیچ قچان دایمی شکلده افغانستانده قالیش‌نی ایستمه‌گن میز. بیزلر افغانستان قیین‌چیلیک‌لری سوزلشوولر ارا حل ایتیلیشی‌نی ایسته‌یمیز.
اونینگ کوپه‌یتیریشیچه، بیزلر افغانستان گه بیره‌دیگن یاردملریمیزگه ترورچی‌لر افغانستان و چیت‌ایللیک مملکت‌لر اوچون تهدید بولمه‌گونگه‌قدر دوام بیره‌میز.
خلیلزاد گه کوره، آمریکا اوزون مدت‌ده افغانستان بیلن حربی، اقتصادی و سیاسی همکارلیک ایتیش نی ایسته‌یدی.
طالبان گروهی ینگی‌لیکده بیر خبرنامه ترقه‌تیب آگاه‌لنتیریشیچه، آمریکا، سوزلشوولرنی اصلی آجنداسیدن اوزاق بولگن صورتده، تینچیلیک سوزلشوولرینی توخته‌تیش‌لری ممکن.
طالبلر گروهی‌نینگ خبرنامه‌سیده کیلیشیچه، آمریکا، تینچیلیک سوزلشوولرینی اساسی هدف‌لریدن بولگن، آمریکا کوچلری‌نینگ افغانستاندن چیقیب و باشقه مملکت‌لر برابریده افغانستان توپراقیدن فایده‌لنمسیدن اوزاق‌لشگن.
بیراق تینچیلیک عالی کینگشی سوزلاوچیسی‌نینگ اورین‌باسری اسدالله زایری طالبان‌نینگ اوشبو آگاه‌لنتیریشی نی تینچیلیک سوزلشوولری گه طبیعی بیر اِیش دیب ایتیشیچه، بوندی آگاه‌لنتریشلر تینچلیک سوزلشوولرینی توخته‌لیشی گه سبب بولمه‌یدی.
اونگه کوره، تینچیلیک سوزلشوولری توغری بیر شکلده آلغه باره‌دی.
شوندی بیرحالده، سیاسی ایش بیلرمان وحیده مژده‌نینگ ایتیشیچه، تینچلیک سوزلشوولری منطقه‌ده فایده‌سی بولگن مملکت‌لر آره‌سیده‌گی قره‌مه‌قرشیلیکلر و قوشمه ایالت‌نینگ موضع‌سیده یوزبیرگن ابهام باعث، جدی قیینچیلیک‌لر بیلن روپه‌رو بولگن و طالبان‌نینگ اوشبو لایحه‌دن چیقیش احتمالی بار.
اونگه کوره، منطقه‌ده افغانستان تینچیلیگی توغریسیده ایکی گروه باش کوتارگن، بیر گروه عربستان، آمریکا قوشمه ایالاتی و پاکستان و باشقه بیر گروه قطر ایران و روسیه مملکتلری بولگن و مذکور ایکی گروه آره‌سیده تارتیشوولرنی دوامی بار.
