پولیس آتیشگه حقلی دیر؛ بو عبارت سونگی کونلرده ایچکی ایشلر وزیرلیگینینگ خبرنامهلریده کوپراق تکرارلنهدی. کوپینچهلرنینگ ایشانچی گه کوره، اوشبو موضوع ایچکی ایشلر وزیرلیگی تامانیدن قیته-قیته تکرارلنیشی بو وزیرلیکنینگ کیسکینلیگینی کورستهدی و بوندن آلدین، قطار کیشیلرگه عکسینچه کورینردی.
شو کیچه-کونلرده ایچکی ایشلر وزیرلیگینینگ سونگی حرکتلری اجتماعی ترماقلرنینگ ایشلاوچیلرینی اصلی دغدغهلری بولگن. دیمک بو عکسالعمللر و حرکتلرنی برچهسی امرالله صالح مذکور وزیرلیکنینگ سرپرستی صفتیده تعیین ایتیلگنیدن سونگ اورته گه چیقدی.
عین حالده، کوپینچه کیشیلر ایچکی ایشلر وزیرلیگینینگ بو ایشلریدن حمایت قیلگنلر؛ بیراق قطار کیشیلر شبهلی قرهیدیلر.
سونگی کونلرده جنایتچیلرنینگ رویخطی ترقهتیلیشی، ایلچیخانهلرگه پولیس افسرلرینینگ کیریشی منع ایتیلیشی، اجتماعی تیزیمگه قرشی و مافیالرنینگ رویخطی ترقهتیلیشی، یریم آغیر حربی جهازلرنی آلیب یوریش منع ایتیلیشی و حربی جهاز آلیش اوچون ینگی قاعده وضع ایتیلیشی ایچکی ایشلر وزیرلیگینینگ اونملی حرکتلریدن سنلهدی.
شونینگدیک، نمایندهلر کینگشی ینگی عکسالعملیده ایچکی ایشلر وزیرلیگینینگ حرکتلریدن حمایت بیلدیریب و بو ادارهنینگ فعالیتلری کینگهییشی و مملک و کابل بوییچه ناقانونی قورال آلیب یوریش آلدی آلینیشینی سورهگن.
عین حالده، کابل یشاوچیلری ایچکی ایشلر وزیرلیگینینگ سونگی حرکتلریدن حمایت بیلدیریب ایتیشیچه، بو برنامهلر دواملی شکلده عمل گه آشیریلیشی کیرهک.
یشاوچیلرگه کوره، کابل ناقانونی قوراللی کیشیلرنینگ حضوری باعث، دهشتلی شهرگه اوزگرگن و یشاوچیلردن کوپینچهسی شهرده راحت یورهآلمهیدیلر.
شونینگدیک، حربی ایش بیلرمانلردن بیرقطاری، شهر خوفسیزلیگی تأمینلنیشی توغریسیده ایچکی ایشلر وزیرلیگینینگ سونگی حرکتلرینی ایجابی بهالهگن.
حربی ایش بیلرمان میرزامحمد یارمندنینگ ایتیشیچه، ایچکی ایشلر وزیرلیگینینگ سونگی برنامهلری دواملی شکلده عملگه آشیرگن صورتده، ایجابی نتیجه بیرهدی.
اوشبو حربی ایش بیلرمان گه کوره، جنایتچیلرنینگ رویخطی اعلان ایتیلیشی و نقلیه واسطهلر تیکشیریلیشی شهر خوفسیزلیگی تأمینلنیشی گه سبب بولهدی.
عین حالده، سلاموطندارگه صحبت بیرگن ایچکی ایشلر وزیرلیگینی سوزلاوچیسی نجیب دانشنینگ ایتیشیچه، اوشبو وزیرلیکنینگ برنامهلری کابل شهریده دواملی شکلده و اوندن کیین باشقه شهرلرده عملگه آشیریلهدی.
اونگه کوره، ایچکی ایشلر وزیرلیگینینگ برنامهسی شوندهی بیر شکلده باشلهنیب و بویوک جنایتچیلر قولگه آلینیشی بیلن یکونلنهدی.
