افغانستان تشقی ایشلر وزیری صلاحالدین ربانی، بوگون ایرتهلب آلمان کیتدی.
مملکت تشقی ایشلر وزیرلیگیدن بیر منبع نینگ سلاموطندارگه ایتیشیچه، جناب ربانی نینگ سفریده آمریکا و طالبان آرهسیده افغانستان تینچلیک سوزلشوولری اوتکزیلیش محلی قطردن آلمان گه انتقال بیریلیشی خصوصیده مذکور مملکت رسمیلری بیلن بحث قیلینیشی خصوصیده قرار قیلینگن.
عین حالده، تشقی ایشلر وزیرلیگی سوزلاوچیسی صبغتالله احمدی نینگ سلاموطندارگه ایتیشیچه، بو سفرده جناب ربانی، افغانلر ارا تینچلیک سوزلشوولری و افغانستانده آلمان مأموریتی قیتهتیکلنیشی توغریسیده آلمانیلیک همکسبی بیلن اوچرهشیب و صحبت قیلهدی.
شونینگدیک، افغانستان بوییچه آلمان ایلچیخانهسی توییتر صحیفهسیده یازیشیچه، صلاحالدین ربانی نینگ سفریده افغانلر ارا تینچلیک سوزلشوولری و جمهورلیک ریاست سیلاوی توغریسیده صحبت قیلینهدی.
عین حالده، سیاسی ایش بیلرمانلردن بیرقطاری، افغانستان تینچلیک سوزلشوولری خصوصیده بولگن ییغین محلی قطردن آلمان گه انتقال بیریلیشی ایجابی بیلیب و ایتیشیچه، افغانستان تینچلیگی توغریسیده آلمان ایجابی حرکت قیلهدی.
سلاموطندارگه صحبت بیرگن سیاسی ایش بیلرمان محمداکرم عارفی نینگ ایتیشیچه، خلق ارا بولیملریده آلمان اورنی عربی مملکتلر اینیقسه قطرگه نسبتن اوستون دیر و بو مملکت، آمریکا و طالبان آرهسیدهگی سونگی کیلیشوونی تأمین قیله آلهدی. جناب عارفی گه کوره، افغانستان تینچلیک سوزلشوولری آلمان تامانیدن میزبانلیک قیلینیشی کیلیشوولرنی اجرایی تأمیناتینی کوپراق قیلهدی.
شونینگدیک، نیچه وقت آلدین افغانستان تشقی ایشلر وزیرلیگیده اوتکزیلگن خبری بیر ییغینده افغانستان و پاکستان بوییچه آلمان ایلچیسی و خاص نمایندهسی مارکوس پوتسل، آمریکا و طالبان گروهی نینگ تینچلیک سوزلشوولری 7- دوری ده آمریکا چقیرووی بیلن اشتراک قیلیشینی ایتگن ایدی.
