فراه محلی رسمیلرینینگ ایتیشیچه، اوشبو ولایتنینگ شیب کوه تومنی طالبان گه تاپشیریلگن.
سلام وطندارگه صحبت بیرگن فراه ولایتی کینگشی اورین باسری شاهمحمود نعیمینینگ ایتیشیچه، اهالی ایستگی و اوشبو ولایت حربی کینگشینینگ قراری اساسیده، خوفسیزلیک کوچلر شیب کوه تومنیدن چیققنلر.
نعیمی جنابلریگه کوره، بو قرار خوفسیزلیک کوچلرنینگ کملیگی، فراه شهری چک پاینتی نی کوچلنتریش و خوفسیزلیک کوچلری تلفاتینینگ آلدی نی آلیش اوچون عمل گه آشیریلگن.
نعیمی جنابلرینینگ کوپهیتیریشیچه، مذکور تومنده جایلشگن خوفسیزلیک کوچلر حاضر فراه شهرینینگ اطرافیده جایلشگن. نعیمی گه کوره، مذکور ریجه نیچه ییل آلدین تکیلف ایتیلگن ایدی و نهایتده اوتگن کون عمل گه آشیریلگن.
فراه پولیسی سوزلاوچیسی محبالله محبنینگ ایتیشیچه، خوفسیزلیک کوچلرینینگ شیب کوه تومنیدن چیقیش ریجهسی تکلیف ایتیلگن، بیراق حربی کینگش حاضرگه قدر شیب کوه تومنیدن چیقیش قراری نی نهایی قیلمهگن.
اونگه کوره، خوفسیزلیک کوچلرنینگ تلفاتی آلدی نی آلیش اوچون خوفسیزلیک کوچلرینینگ شیب کوه تومنیده چیقیش ریجهسی تیزلیکده عمل گه آشیریلهدی.
شونینگدیک طالبان بیر خبرنامه ترقهتیب ادعا قیلیشلریچه، شیب کوه تومنی ییللردن بویان اولرنینگ قمرویگه قرار تاپییب و حاضر اولرنینگ نظارتیگه اوتگن.
شیب کوه فراهنینگ ناتینچ تومنلریدن حسابلنهدی و جاری ییل جریانیده مذکور تومنده طالباننینگ خوفسیزلیک کوچلر پوستهسی اوستیگه اویوشتیرگن گروهی هجومیلریده اونلرچه عسکر هلاک بولگن.