کابلده اوتکزیلگن جمعه کونگی تظاهراتچیلرنی گارنیزیون و جمهور رییس نینگ تن ساقچیلری نابود قیلیشگه اولگورگن.
مدنی فعاللر و سیاسی تحلیلچیلر، مملکت اساسی قانونیگه اساسن حکومت اعتراضچیلرگه قرشی اوق اوزیب اولرنی اولدیریشگه حقی یوق بلکه امنیتلرینی آلیش مسوولیتی دیگنلر.
اساسی قانون ۳۶- ماده سیگه بنأ «افغانستان یشاوچیلری قانونگه بیریلگن مقصدلری تأمینله نیشی اوچون قورال اسلحه دن ایش آلمسدن، قانونگه مطابق، اجتماع و تظاهرات قیله آلهدیلر.»
دنیانینگ طرقی قیلگن مملکتلریده ناراضیلیک تینچ یوللردن بیری بولگن و قانونگه یره شه حکومت اعتراضچیلر امنیتینی تأمین قیلیشگه مجبور.
اما افغانستانده دایمی شکلیده حکومت تامانیدن یشاوچیلرنینگ اعتراضی ایریم حالتلرده قانونی یشاوچیلیک حقلریگه قرشیلیک قیلینگن و مملکتده ینگی کیلگن دموکراسیگه ضرر ایتکزگن.
مدنی فعاللردن عزیز رفیعی، اوشنده یکه حکومت فرخنده جنبشی، تبسم جنبشی و یاروغلیک جنبشیگه هر یولدن بولسه توسیق ایجاد قیلدی، اما هرکون اوتیشی بیلن یشاوچیلر مملکت بویلب مستبدچیلیکلر قرشیلر و اوتگن کون یشاوچیلر هیچ قندهی باسیمگه تن بیرمسلیکلرینی کورستدیلر دیدی.
جناب رفیعیگه کوره، باید حکومت یشاوچیلر برابریده اوز لایحهلریگه اوزگریش کیلتیریب، یشاوچیلر مصونیتی بارهسیده جدی بولیشی کیرهک.
بیلیم یورت استادی و سیاسی تحلیلچی اسدالله زایرینینگ ایتیشیچه، اجتماعات و تظاهرات امنیتینی تأمین قیلیش حکومتنی ایشلریدن سنلهدی، بیراق تأسف بیلن حکومت یشاوچیلر اعتراضلری برابریده مستبدچیلیک بیلن چیقهدی.
جناب زایریگه کوره، حکومت یشاوچیلر برابریده مستبدچیلک عملی بیلن دیکتاتورلیک و مستبدچیلیک نظام تامان کیتماقده.
بو سیاسی تحلیلچی یشاوچیلر توشونچهسی بلاغتگه ایتیشی و حکومتنی توجه سیزلیگی سبب بولگن تا یشاوچیلر مستبدچیلیک حرکتلریگه قرشی تورسهلر.
جمهورلیک سرایی جمهور رییس محمداشرف غنینینگ رهبرلیگیده اوتگن کونگی کابل حادثهسینی تیکشیریش نیتیده امنیتی بلند مرتبهلی رسمیلر حضوریده خاص امنیتی اولتیریش آلگن.
جمهور رییسلیک سرایی خبرنامه ترقهتیب، اوشبو اولتیریشده اوتگن کونگی کابل حادثهسینی جدی و هرتامانلمه تیکشیریلیب و قانونگه مطابق ایشلریگه غفلت قیلگن شخصلر تانیلیب مجازات بولیشی نیابتگه آلینگن.
جمعه کونی کابل یشاوچیلریدن یوزلرچهسی چهارشنبه کونگی قانلی حادثه گه قرشی حکومتنی ناکاملیگینی قارهلب یشاوچیلر امنیتی تأمینلشینی طلب قیلیب یوللرگه چیققن ایدیلرکه امنیتی کوچلر خشونتی بیلن روپهره بولیب نتیجهده ۶ کیشی اعتراچیلردن جان بیریب و ۱۰دن آشه کیشی یرهدار بولدی.
