سلام‌وطندارگه ییتیشگن اعتبارلی معلومات گه کوره، مسکوده اوتکزیلگن تینچلیک ییغینیدن سونگ، حکومت جوزجان ولایتی‌نینگ تومن‌لریدن بیرقطاری‌نی طالب‌لرگه تاپشیریش خصوصیده قرار قیلگن.
جوزجان محلی مسؤوللریدن بیرقطاری آت‌لری فاش ایتیلیشی‌نی ایستمه‌ی سلام‌وطندارگه ایتیشیچه، اهالی آره‌سیده درزاب، قوش‌تپه و خماب تومن‌لری طالب‌لرگه تاپشیریلیشی توغریسیده مش-مش‌لر کوپه‌یگن.
اوشبو منبع‌لرگه کوره، ینگی‌لیک‌ده جوزجان‌نینگ خماب تومنی‌نی خوفسیزلیک قومندانلیگی‌نی بناسی آتیشمه یوز بیرمس‌دن طالب‌لرگه تاپشیریلگن و امنیتی کوچلر مذکور تومن‌نینگ خوفسیزلیک قومندانلیگی بناسی‌دن چیقیب کیتگن‌لر.
شونینگدیک، امنیتی منبع‌لردن بیری خماب تومنی‌نینگ خوفسیزلیک قومندانلیگی بناسی‌دن امنیتی کوچلر چیققنی و مذکور تومن طالب‌لرگه تاپشیریلگنینی تصدیق‌لیدی.
بیراق، جوزجان حاکمی مولوی لطف‌الله عزیزی‌نینگ سلام‌وطندارگه ایتیشیچه، جوزجان ولایتی‌نینگ تومن‌لری طالبان گروهی‌گه تاپشیریلیشی حقیقت ایمس دیر و افغانستان دولتی هر بیر قریش توپراغیدن دفاع قیله‌دی.
جوزجان حاکمی گه کوره، خماب تومنی باشقه ایریم قیین‌چیلیک‌لر باعث، طالب‌لرگه تاپشیریلگن و مذکور تومن طالب‌لردن تازه‌لنیشی اوچون تیزلیک‌که حربی عملیات یولگه قوییله‌دی.
عین حالده، جوزجان یشاوچیلریدن بیرقطاری‌نینگ سلام‌وطندارگه ایتیشیچه، طالب‌لر بیلن مسکو تینچلیک ییغینی اوتکزیلگنیدن سونگ، چیگره تومن‌لرینی طالب‌لرگه تاپشیریش موضوعی کوتریلگن و بو موضوع هر بیر ییغینده بحث قیلینه‌دی.
بیراق، طالبان گروهی سوزلاوچی‌لریدن بیری ذبیح‌الله مجاهدنینگ ایتیشیچه، حاضرگچه افغانستان دولتی بیلن هیچ قنده‌ی سوزلشوو اوتکزیلمه‌گن و هیچ نرسه هم سوره‌لمه‌گن.
