بوگون «سهشنبه» کابلده اوتکزیلگن خبری بیر ییغینده جوزجان ولایتینینگ شبرغان گازینی 40 میگاواتلی برق پروژهسی تطبیق ایتیلیش شرطنامهسی سوو و برق وزیرلیگی و بیات پاور شرکتی آرهسیده امضاءلندی.
سوو و برق وزیرلیگی مسؤوللرینینگ ایتیشیچه، اوشبو پروژه 38.85 میلیون دالر خرجت کوترهدی و بو پروژهنی برقیدن جوزجان، بلخ، سمنگان و فاریاب ولایتلریده 30 مینگ عایله فایدهلنهدی و بونگه قوشیمچه، 100 اورته تولیدی فابریکهنینگ برقی تأمین ایتیلهدی.
سوو و برق وزیری علیاحمد عثمانینینگ ایتیشیچه، مذکور پروژه تطبیق ایتیلیشی اوچون 6 آی تعیین ایتیلگن. بیراق، بیات پاور شرکتینینگ مسؤوللری، 3 آی جریانیده تطبیق ایتیلیشینی ایتگن.
سوو و برق وزیرلیگی مسؤوللری، جوزجان ولایتی شبرغان گازیدن برق ایشلب چیقاریش پروژه تطبیق ایتیلیش شرطنامهسیگه قول قوییشی یانیده، فراه، بغلان، سرپل و ننگرهار ولایتلریده استنادی دیوارلر قوریلیشی و کاناللر قوریش شامل 195 میلیون افغانی ارزشی گه 5 سوو ییتکزیش پروژه شرطنامهسینی خصوصی شرکتلر بیلن امضاءلگن.
