بوگون «یکشنبه، 23- سرطان» کابلنینگ درالامان منطقهسیده افغانستان نینگ بیرینچی اداری مجموعهسی نینگ تملتاشی جمهور رئیس تامانیدن قوییلدی.
مملکت جمهور رئیسی محمداشرف غنی، اوشبو اداری مجموعه ایجاد ایتیلیشی دن مقصد، بوتون دولتی ادارهلرنی منسجملشتیریش و باشکینت یشاوچیلری اوچون قولیلیک ایجاد قیلیش دیگن.
جناب غنی نینگ ایتیشیچه، دارالامان اداری مجموعهسی نینگ قوریلیش ایشی یکونلنگنده، وزیرلیکلر و ایرکین ادارهلر شامل دولتی ادارهلردن بیرقطاری، بو مجموعهده انتقال بیریلهدی و شهر مرکزی قیتهدن کابل یشاوچیلریگه قوییلهدی.
جمهور رئیس غنی گه کوره، حاضر کابلدن باشقه 27 ولایتده اداری مجموعهلرنی قوریلیش ایشی دوام ایتماقده.
افغانستان شهر قوریش و ییر بوتونلیک وزیرلیگی سرپرستی جواد پیکارنینگ ایتیشیچه، دارالامان اداری مجموعهسی ایکی باسقیچده 27 دولتی اداره اوچون قوریلهدی و بو مجموعه نینگ قوریلیش ایشی یکونلنگنده، اداری ایشلر جریانی شدتلنیشی ممکن.
دارالامان اداری مجموعهسی نینگ قوریلیش ایشی 100 هکتار ییرده و 1.6 میلیارد دالر خرجت بیلن کابل شهری نینگ 7- ناحیهسی، دارالامان قصری نینگ یقینیده کیلهجک 20 ییلگچه یکونلنهدی.
