آمریکا تشقی ایشلر وزیرلیگی و افغانستان حکومتی افغانستانده آمریکانینگ فقرالیک یاردملری تیکشیریلیشی دن خبر بیرگنلر.
آمریکا تشقی ایشلر وزیرلیگی تامانیدن نشر ایتیلگن خبرنامهده ایتیلیشیچه، بو تیکشیروو جمهور رئیس اشرف غنی نینگ ایستهگی و آمریکا قوشمه ایالتلری نینگ تصدیقی اساسیده عملگه آشیریلهدی و مقصدی افغانستان گه آمریکا دولتی یاردملرینی استراتیژیسی تیکشیریلیشی دیر.
خبرنامهده کیلیشیچه: «اوشبو تیکشیروو اساسیده، شفافیت، جواب بیریش و افغانستانده آمریکا قوشمه ایالتلری نینگ فقرالیک یاردملری اولویت بندلیگی، افغانستان قوریلمهلری کوچهیتیریلیشی و افغانستان اهالیسی نینگ آسایشتهلیگی حمایت قیلینیب و ایکی تامان آمریکانینگ فقرالیک یاردملری افغانستان اهالیسیدن حمایت قیلینیشی و بو مملکت خودکفا بولیشی اوچون دوام ایتیشی توغریسیده کیلیشهدی.»
اوشبو خبرنامهده تأکید قیلینیشیچه، افغانستانده آمریکا تامانیدن سرمایه یاتقزیلیشی افغانستان اقتصادی آسایشتهلیگیدن حمایت قیلینیشی اوچون دنیا جماعهچیلیگی نینگ سعی و حرکتلری اساسیده عملگه آشیریلهدی.
سیگارنینگ سونگی گزارشی اساسیده، آمریکا میلادی 2002- ییلدن حاضرگچه فقرالیک و حربی بولیملریده افغانستان اوچون 900 میلیارد دالردن آرتیقراق صرفلهگن.
اوشبو تیکشیروو جاری میلادی ییل، می آیی نینگ آخریده عمل گه آشیریلیشی خصوصیده قرار قیلینگن.
ایتیش کیرهک کیم، آمریکا، افغانستان حکومتی نینگ اینگ کته مالی حمایتچیلریدن بیری دیر و بو مملکت افغانستان حکومتی بیلن حربی، ساغلیک، معارف، اقتصادی ترقیات، آست قوریلمهلر، تاریخی و مدنی آبدهلر سقلهنیشی توغریسیده همکارلیک قیلهدی.
