افغانستان باشکینتی کابلده سونگی نیچه ییل جریانیده گل اوستیریب چیقرهدیگن گلخانهلر کوپهیگن و حاضر کوپینچه کیشیلر گل اوستیریب چیقریش ایشی بیلن شغللنهدیلر.
بو آرهده یشاوچیلر هم گل ساتیب آلیشگه قیزیقهدیلر. باشکینت اویلریدن کوپینچهسیده اورته شکلده چمهسی ایکی بیزهتیلگن گلدان سقلنهدی.
گل اوستیریب چیقرووچیلر گل و کوک اوتلر بیلن شغللنگنلری سبب خرسند کورینهدیلر و گل اوستیریب چیقریش اولر اوچون نهفقط بیر ایش، بلکیم اویین و دم آلیش سنلهدی.
کابلده گل اوستیریب چیقرووچیلرنینگ ایتیشیچه، کوکلم موسومیده سودالری یخشی؛ بیراق قیش موسومیده بیر آز قویی بولهدی.
کابلده گل اوستیریب چیقرووچیلردن هارون و بریالی، کمیده ایکی دهه دن بویان گل اوستیریب چیقریش ایشی بیلن شغللنهدیلر. اولرنینگ ایتیشیچه، درآمدلری آز بولگنده هم ایشلریدن راضیلر.
اولرنینگ ایشانچی گه کوره، اهالیسی بیر-بیراوینینگ نابود قیلیش فکریده بولگن بیر مملکتده گل اوستیریب چیقریش اینگ یخشی ایشلردن بیری دیر.
اوشبو گل اوستیریب چیقرووچیلر، 200 دن آرتیق تورلی گل اوستیرهدیلر و کته فارملری ایسه کابلنینگ ده سبز تومنی و پروان ولایتیده بولگن.
اولرنینگ ایتیشیچه، بیر دسته گلنی قیمتی 50 افغانیدن باشلنهدی و 25 مینگ افغانی گه ییتیشهدی.
شونینگدیک، باشکینت یشاوچیلری مملکتده حاکم بولگن یمان وضعیتدن قاچیش اوچون گل و کوک اوت اوستیریش گه یوز کیلتیرگنلر و اویلریده بولگن کیچیک باغچهلر یانیده، گلخانهیی گللرنی هم اوستیرهدیلر.
اولرنینگ ایتیشیچه، گل بیلن وقت اوتکزیش انساننینگ روح و روانی اوستیگه ایجابی تأثیر قویهدی و اولر گل تربیهلب حیات اوچون یخشی فضا یرهتیشگه سعی و حرکت قیلهدیلر.
افغانستاننینگ ایکینچیلیک، سوولنتیریش و چارواچیلیک وزیرلیگینی سوزلاوچیسی اکبر رستمینینگ ایتیشیچه، اوشبو وزیرلیک مملکتده گل اوستیریب و رواجلنتیریش برنامهسی اوستیگه ایش قیلهدی.
اونگه کوره، حاضر کابلده تورت کته گلخانه قوریلماقده و بو تورت گلخانه 4 میلیون افغانیدن آرتیق خرجت کوترگن.
اونینگ ایتیشیچه، ایکینچیلیک وزیرلیگی گل اوستیریب چیقریش بولیمیده خصوصی شکلده فعالیت قیلهدیگن کیشیلر و شرکتلرگه تعلیمات بیریش و ظرفیتلرینی کوچهیتیریش خصوصیده، زمینه یرهتهدی.
باشکینت گلخانهدارلریدن کوپینچهسینینگ کابل تومنلری و پروان و ننگرهار ولایتلریده نیچه جریب ییرده قوریلگن کته گلخانهلری بار.
باشکینت گلخانهلری کوندهلیک قویاش انرژیسی آرقهلی ایسیتیلهدی و گلخانهدارلردن کوپینچهسی گلخانهلرنی ایسیتیش اوچون کومیر، آغاچ و گاز بخاریلریدن فایدهلنهدیلر.
لابسن، کاکتوس، اوزوم بته، عطر، جری بند، کیلین تیرناغی و باشقه شونینگدیک، ایریم گللر ایسیق و ساووق برابریده مقاوم بولگنی باعث، ییلنی هر موسومیده ساتیلهدی.
