عیاللرنینگ آره‌سیده سیگرت چیکیش ینگی‌لیک‌ده رواجلنگن. شهرده رواجلنگن عصری حیات، جماعه‌دن عیاللرنینگ توشونمس‌لیگی و یالغیزلیک سبب عیاللر سیگرت چیکیش گه یوز کیلتیرگن‌لر. بیراق سیگرت چیکماق عیاللر اوچون قولَی و راحت ایش ایمس دیر. باشقه تاماندن عصری اجتماع ده عصری‌لیک‌که قیزیقیش باعث، کوپینچه یاش عیاللر عصری اجتماع نی ایزلب سیگرت چیکیش گه یوز کیلتیرگن‌لر. کورینیشیچه، قچان که جماعه‌ده‌گی حرکت عصری‌لیک‌که اوزگرگن صورتده، جماعه‌ده‌گی‌لر اونینگ زیانی گه دقت قیلمه‌یدی؛ چونکه اولر اوچون جماعه‌ده غالب بولگن عصری‌لیک ساغلیک‌لریدن کوره اوستون توره‌دی.
بیراق، سیگرِت چیکه‌دیگن عیاللردن بیرقطاری‌نینگ ایشانچی‌گه کوره، تادینی بیلماق اوچون قیزیقیش هم اولرنینگ سیگرِت چیکیش‌گه یوز کیلتیرماغی گه سبب بوله‌دی. اولرنینگ ایتیشیچه، سیگرِت زیانیدن بوتونله‌ی خبر بولگن‌لر، بیراق اوندن قول تارته آلمه‌یدیلر.
مینا نیچه ییل‌دن بویان سیکرِت چیکه‌دیگن عیاللردن بیری دیر، بیراق اوزی‌نینگ ایتیشیچه، سیگرِت چیکیش‌گه چالینمه‌گن. اونینگ ایتیشیچه، بیرینچی کونلریده قیزیقیش یوزیدن سیگرِت چیککن، بیراق اوندن سونگ، سیگرِت چیکه‌دیگن بیر ایرکک بیلن تورموش قوریب و سیگرِت چیکیش عادی بیر امرگه اوزگرگن.
بیراق جماعه‌ده سیگرت چیکه‌دیگن ایرکک و عیاللر آره‌سیده فرق بولگنی مینانی اذیت قیله‌دی. اونینگ ایتیشیچه، بیرعیال عادی مکانلرگه قورقمس‌دن و تینچ فضاده سیگرت چیکه آلمیدی، چونکه سیگرت چیکه‌دیگن عیاللر تحقیر و زوره‌‌وانلیک بیلن دوچ کیله‌دی. بیراق میناگه کوره، سیگرت چیکیش شخصی بیرعمل و هر کیم سیگرت چیکیش اوچون اوزی قرار آلیشی لازم.
مزدا، سیگرت چیکه‌دیگن عیاللردن باشقه بیری سیگرت چیکیش‌نی جماعه و افغان مدنیتی‌ده یمان بیر ایش دیب بیله‌دی. اونینگ ایتیشیچه، جماعه‌ده سنتی ایشانچ‌لر و فکرلر سیگرت چیکه‌دیگن بیرعیال‌نینگ تحقیر و اهانت بولیشی‌گه سبب بوله‌دی.
عین حالده خانم مزدا، اوچ ییل‌دن بویان سیگرت چیکه‌دی. اونینگ ایتیشیچه، بوندن سونگ تشقریده سیگرت چیکیش بیر قیین‌چلیک ایمس و سیگرت چیکیش ایسته‌گن چاغیده قورقمه‌دن سیگرت چیکه‌دی.
بیراق، خانم مهتاب شاعرعیال‌لردن بولیب اهالی حضوریده سیگرت چیکیش‌دن قورقه‌دی. اونینگ ایتیشیچه، یالغزلیک‌دن سیگرت چیکیش‌گه قیتگن، او سیگرت چیکیش اوچون تینچ فضانی تنله‌یدی.
جماعه بیلرمان‌لریگه کوره، اوز مقصدلریگه یتیشیش اوچون هرقندی یول لردن قولنه‌دیگن کیشی‌لرنینگ سیگرت چیکیش اوچون دلیل مطرح قیلیش‌لری ممکن، اولر اوشبو ایش ضرریگه توجه قیلمیدی، حقیقتده مذکور ایش‌دن مقصدلری بار، بیراق مقصدلریگه یتیشیش اوچون ضرری بولگن بیریول نی تنله‌گن‌لر.
جماعه بیلرمانلریدن بیری جمعهخان محمدی‌نینگ ایتیشیچه، بیرقطار حرکت‌لر جماعه‌ده حاکم بولگن سنتی ایشانچ‌لرگه کوره ایرکک‌لر تیگیشلی. سیگرت چیکیش هم اولردن بیری. اوشبو حرکت‌لرنینگ قانونی توسیقلیگی بولمیشی ممکن بیراق جماعه‌گه کوره توسیق‌لیک بار.
باشقه بیرتاماندن داکترلرنینگ ایتیشیچه، عیال‌لرسگرت چیکیش‌دن ایرکک‌لرگه کوره کوپراق ضرر کوره‌دیلر. سگرت حامله‌دارلیک قینچیلیکلری، تورلی سرطان‌لر و استخوان کوچ سیزلیگی‌گه سبب بوله‌دی.
تدقیقاتلرگه کوره، 30 یاشدن یوقاری بولگن سگرت چیکه دیگن عیاللرنی حامله‌دار بولیش رقمی 75 فایز قویی کیله‌دی. کونده بیر پاکت سگرت چیکه دیگن عیاللرنی جنین لرینی اولیشی باشقه‌لرگه کوره 7 برابر کوپراق یوز بیره‌دی. سیگرت چیکیش عیاللرنینگ دنیاگه کیلتیره‌دیگن باله‌لری عقل‌دن آزلیگی، توییب آوقت‌لنمس‌لیگی و باله توشیشی‌گه سبب بولیشی ممکن.
