اوتگن هفته لاجور یولی نی آچیلیشی احتفالیده جمهور رئیس غنینینگ نطقی یکونلنگنیدن کیین بیر یاشییگیت اعتراض بیلدیریب اورنیدن توردی، بیراق جمهور رئیس قوروقچیلری تیزلیکده اونگه توسیق بولدی؛ مذکور قضیهدن ایکی کون اوتماقده، بیراق مذکور یاشییگیت تقدیریدن حاضرگچه هیچ قندی خبر قولگه کیلمهگن.
اوشبو اعتراضچی یاشییگیت زازی رئیس ایناغهسی جهادگلنینگ ایتیشیچه، ایناغهسی جمهور رئیس قوروقچیلری تامانیدن کلتکلنگن و اوشه پیتدن حاضرگچه یوقالگن.
اونگه کوره، پکتیا ولایتی کینگش اعضاسی سردارخان ملکزوی اونینگ برچه ییرلرینی غصب قیلگن و ایناغهسی مجبورلیک باعث جمهور رئیس برابریده عدالتخواهلیک سیسی نی چیقارگن. اونینگ ایتیشیچه، رئیس زازی جمهور رئیس قوروقچیلری تامانیدن کوپ کلتکلنگن و اوچ مرته اوزیدن کیتگن.
رئیس زازینینگ آنهسی نی اورغولشیچه، اونینگ اوغلی عدالتخواهلیک سیسی چیقارگن؛ بیراق او کلتکلنگن. شونینگدیک او جمهور رئیسدن اوغلی نی قوییب یوباریلیشی یانیده، اونینگ غصب ایتیلگن ییرلرنی آلیب بیریشی نی سورهیدی.
هرات حاکمی سوزلاوچیسی جیلانی فرهاد بو توغریده سوزلشدن وازکیچیب ایتیشیچه، بو توغریده سوزلش اونینگ صلاحیتیدن یوقاری دیر.
بیراق جمهور رئیس سوزلاوچیسینینگ اورین باسری شاهحسین مرتضوی فیسبوک صحیفهسیده یازیب مذکور ییگیت کلتکلنگنی نی رد قیلیب ایتیشیچه، جمهور رئیس تشریفات قطعه اورین باسری گه مذکور کیشی نی موترگه آلیب باریب و اعتراضی نی ییشتیشی خصوصیده بویروغ بیرگن.
