طالبان قومندانلریدن بیری طوفان آتیده تانیلگن ملاغفار بوگون "شنبه" 20 جنگرهسی بیلن حکومت گه قوشیلدی. اونینگ ایتیشیچه، حکومت رسمیلریدن قطاری طالبلرگه همکارلیک قیلهدی و بادغیس ولایتی قادس تومنینینگ قطار منطقهلرینی طالبلرگه ساتگنلر.
قومندان طوفان گه کوره، اجراییه ریاستینینگ مصحتچیسی آمر عبدالغنی صابری، نماینده لرکینگشی نامزدلریدن بیری امیر شاهخان نایبزاده، بادغیس ولایتینینگ تینچلیک تحکیم قیلیش کینگش باشلیغی حاجی عبدالخلیل اچکزی و قوم بویوکلردن بیری ملا عبدالرحمان طالبان گروهی همکارلیک قیلیب و مذکور ولایت قطار منطقهلرینی طالبلرگه ساتکنلر.
دولت گه قوشیلگن اوشبو قومنداننینگ ایتیشیچه، بادغیس ولایتینینگ قطار منطقهلرینی طالبلر گه تاپشیریش خصوصیده صورت تاپگن ییغینلردن قطاریگه اشتراک قیلگن.
اونینگ آکاهلنتیریشیچه، مذکور کیشیلر حکومت گه بولگن صورتده، بادغیس تیینچلیک نی کورمهیدی.
عینحالده، بادغیس ولایتیده تیینچلیک نی تحکیم قیلیش کینگش باشلیغی حاجی خلیل اچکزینینگ سلاموطندارگه ایتیشیچه، اوشبو دعالر ناتوغری دیر و محکمه ده حاضر بولیب بو ادعالرگه قرشی جواب قیترهدی.
نماینده لرکینگشی کاندیدی امیرشاه خان نایبزاده هم اوشبو ادعالرنی ناتوغری بیلیب و محکمه ده حضور تاپیب مذکور ادعالرگه قرشی جواب قیترهریشگه تیار بولگنی نی بیلدیرهدی.
عینحالده، بادغیس حاکمینینگ سوزلاوچیسی جمشید شهابینینگ ایتیشیچه، دولت گه قوشیلگن اوشبو قومنداننینگ ادعالری یالغیز اتهام دیر و بو توغریده تحقیقاتلر باشلنگن.
بوتوغریده اجراییه ریاستینینگ مصلحتچیسی آمر عبدالغنی خان صابری و زوری قوم بویوکلریدن بیری ملاعبدالرحماننینگ فکرینی آلیش اوچون سعی و حرکت قیلدیک؛ بیراق دواملی تماسلریمیز گه جواب قیترمهدیلر.
