«بوتون تورت آی دوامیده تورموش اورتاغیمنینگ دوستلری مینینگ جنسی زورهلهدیلر. نتیجهده بیر یورکنی یوز یورک قیلیب بو موضوع نی تورموش اورتاغیمگه ایتدیم، بیراق مینینگ اولیمگه تهدید قیلیب ایتیشیچه، اربابینینگ ایستهگی گه تَن بیریشی کیرهک؛ او دوستلری بیلن یاتیشگه مینینگ زورلردی.»
حمیرانینگ یاشی 20 ده دیر و ایکی آی آلدین، دشتقلعه تومنیدن عایلهسینینگ آلدی ینگیقلعه تومنی گه کیلگن. اونینگ ایتیشیچه، محلی پولیس قومندانلریدن بیری ارباب رؤوف تامانیدن نیچه مرته جنسی زورلنگن، «هر بیر مرته جنسی زورهوانلیکدن آلدین اویقو داروسی بیریلگن و شونینگدیک، بیر مرته نشهلی ماده فایدهلنیشگه مجبورلنگن.»
حمیرانینگ ایتیشیچه، اسلامالدین آتلی کیشی بیلن تورموش قورگنیدن آلتی آی اوتهدی و تورموش اورتاغی ارباب رؤوفنینگ قوروقچیسی دیر. حاضر ولایت مقامی دفتری اونگیده دادخواهلیک اوچون آته و آنهسی بیلن کیلگن اوشبو عیالنینگ ایتیشیچه، ارباب رؤوفنینگ آدملریدن قورقیب آتهسینینگ اوییگه باره آلمهیدی.
حمیرانینگ آتهسی محمدالله نینگ ایتیشیچه، ینگیقلعه تومنینینگ محلی ادارهسی اولرنینگ شکایتلریگه دقت قیلمهگن و نهایتده ینگیقلعه تومنینینگ مردمی کوچلر قومندانی ملک تاتارنینگ یاردمیده عدالت اوچون تالقان کیلگن.
بیراق، ارباب رؤوف، حمیراگه قوروقچیلری تامانیدن تجاوز ایتیلگن ادعانی اوزیگه قرشی دسیسه بیلیب ایتیشیچه، بو عیال تورموش اورتاغینینگ اوییدن قاچگن و اونینگ اوزی، بو موضوع نی ینگیقلعه محلی ادارهسیگه ییتکیزگن.
اوشبو محلی قومندانگه کوره، او بدنام بولیشی اوچون بو قضیهنی آرقهسیده ملک تاتارنینگ قولی بار.
عین حالده، تخار پولیس قومندانلیگی سوزلاوچیسی خلیل اسیر، بو دوسیه تیکشیریلیشی باشلنگنینی ایتیب کوپهیتیریشیچه، تخار محلی حکومتی حمیرانینگ دوسیهسینی جدی شکلده تیکشیرهدی.
اوتگن بیر هفته جریانیده، تخار ولایتیده بو ایکینچی عیال دیر کیم قوراللی کیشیلر تامانیدن جنسی زورلنگنینی ادعا قیلگن. شونینگدیک، تورت کون آلدین 27 یاشر فریده ناملی عیالنینگ ادعا قیلیشیچه، ملک تاتارنینگ قوروقچیلری اونینگ جنسی زورلگن؛ بو ادعا ملک تاتار تامانیدن رد قیلیندی.
