.jpg)
جوزجان ولایتیده سیلاولر ایرکین کمیسیونی‌نی ولایتی دفتری مسؤوللری‌نینگ ایتیشیچه، مذکور ولایتده موجود بولگن 129 آواز بیریش مرکز جمله‌سیدن 53 مرکزده سیلاو یولگه قوییله‌دی و تخمین اساسیده، مذکور ولایت‌نینگ اهالیسی‌دن 50% نماینده‌لر کینگشی سیلاویده اشتراک قیله آلمه‌یدی.
جوزجان ولایتی‌نینگ سیلاولر ایرکین کمیسیونی‌نی ولایتی دفتری سرپرستی حمیدالله بلوچ، مذکور ولایت‌نینگ حاکمی و باشقه محلی مسؤوللری بیلن بیرگه قوشمه خبری بیر ییغین اوتکزیب ایتیشیچه، اوشبو ولایتده ناتینچلیک کینگه‌یگنی باعث، جوزجان اهالیسی‌دن 50% سیلاوده اشتراک قیلیش‌دن محروم بولگن.
جناب بلوچ که کوره، سیلاو کونیده آواز بیریش مرکزلرده اوز لری بیلن قورال و تصویر آلیب باریش اوچون هیچبیر گروه و نامزدکه اجازه بیریلمهیدی، شونینگدیک بیر واقعه یوز بیرگن صورتده، مذکور مرکز باغلهنیب و نامزدلرنینگ آوازلری باطل اعلان ایتیلهدی.
.jpg)
جوزجان حاکمی مولوی لطفالله عزیزینینگ اوشبو ولایت یشاوچیلریگه ایشانچ بیریب ایتیشیچه، مذکور ولایت مرکز و تومنلریده آواز بیریش مرکزلرنینگ خوافسیزلیگینی تامینلش اوچون امنیتی کوچلر جایلشتیریلگن.
عینحالده، جوزجان پولیس قومندانی فقیرمحمد جوزجانینینگ مذکور ولایت تومنلریده سیلاونینگ حساس و حساس بولمهگن مادهلرینینگ یوباریلیشیدن ایشانچ بیریب ایتیشیچه، امنیتی کوچلر آواز بیریش مرکزلرده جایلشتیریلیب و محلنی پوشش آستیگه قرار بیرگن.
عینحالده، نماینده‌لر کینگشی سیلاوینینگ نامزدلریدن بیرقطاری، اوشبو ولایت امنیتی وضعیتیدن خواطر بیلدیریب ایتیشیچه، طالبلر اطلاعیه ترقهتیش بیلن اهالیدن سیلاوده اشتراک قیلمهیشینی سورهگن.
