افغانستان حسابات ادارهسی ینگی تیکشیروویده ایتیشیچه، افغانستانده قشاقلیک 1391- ییلدن 1395- ییلگچه 16% کوپهیگن.
اوشبو تیکشیرووده بوتون افغانستانده 342 اداری واحد ده 21000 کیشینینگ وضعیتی تیکشیریلگن.
مذکور تیکشیروو اساسیده، بیر آی جریانیده بیر کیشی 2064 افغانیدن آزراق خرچ قیلگن صورتده، قشاقلیک چیزیغیدن قویی تورهدی و بو تعریف اساسیده، 1395- ییلده مملکت جمعیتیدن 54.5% قشاقلیکده حیات کیچیرهدی ایکن. شونینگدیک، اوشبو تیکشیروونی تخمینی گه کوره، یاز موسومی گه نسبتن قیش موسومی ده قشاقلیک میزانی 46.3% دن 67.5% گه کوپهیگن.
افغانستان حسابات ادارهسینینگ تیکشیروویده کیلیشیچه، مملکت جمعیتیدن 48% 15 یاشردن قویی کیشیلر تشکیل بیرهدی و ایشگه اشتراک قیلگن ایرککلر میزانی 80.6% و عیاللر 26.8% بولگن.
شونینگدیک، ایرککلرنینگ ایش سیزلیک میزانی 18% و عیاللر 41% گه ییتیشهدی، بیراق توپلم شکلده، مملکتده اهالینینگ 24% ایش سیز دیر.
اوشبو تیکشیروونی ارایه ایتیش چاغیده اقتصاد وزیری مصطفی مستورنینگ ایتیشیچه، اهالینینگ حیاتی و وضعیتی توغریسیدن دقیق رقملر و گزارشلر ترقهتیلگنی باعث، اوشبو وزیرلیک اهالی وضعیتی یخشیلنیشی خصوصیده، تأثیرچن برنامهلرنی عملگه آشیرگن.
جناب مستورنینگ ایتیشیچه، بو رقم اقتصاد وزیرلیگینینگ اوتمیشدهگی برنامهلری ایریم بولیملرده ایجابی نتیجه بیرگنینی کورستهدی و ایریم بولیملرده اونچهلیک یوتوققه ایریشمهگن. جناب مستورگه کوره، حاضر باشقه هر زماندن کوره رقملر و واقعیتلر اساسیده، ریجهلر تیارلنیب و برنامهلر عملگه آشیریلیشی لازم.
مرکزی حسابات ادارهسینینگ تیکشیروولری اساسیده، مملکت جمعیتیدن کوپینچهسی ایکینچیلیک و آز رقمی کانلرنی قازیب چیقاریش، برق، گاز و سوو بولیملریده فعالیت قیلهدیلر. شونینگدیک، معارف و عالی اوقووگه اهالی قول تاپیشی 1391- ییل گه ییترلیچه اوزگرمهگن، بیراق کته کیشیلرده سواد میزانی 1384- ییل دن 1395- ییل گچه 31.3% دن 53.6% گه ییتیشگن.
اوشبو تیکشیرووده کیلیشیچه، افغانستان اهالیسیدن 13 فایزینینگ شخصی اویی یوق و شهرلرنینگ جمعیتیدن 70% دن آرتیقراغی کَمبغل ییرلرده یشهیدیلر.
