بدخشان محلی مسؤوللری و باغدارلریدن بیرقطاری، مذکور ولایتنینگ قطار تومنلریده بومی و محلی درختلر نابود بولیشیدن خواطر بیلدیرگنلر.
اولرگه کوره، سونگی نیچه ییلده اصلاح ایتیلگن ایکینچیلیک نهاللردن کوپلب فایدهلنیش باعث، ایریم بومی درختلرنینگ نسلی نابودلیک خطریگه روپهره بولگن.
بدخشان باغدارلریدن بیرقطارینینگ ایتیشیچه، نیچه ییل ایلگریچه محلی بازارلرده بومی درختلرنینگ میوهلری ساتیلردی، سونگی کونلرده سابق رواجینی قولدن بیرگن و اورنینی چیت ایللیک میوهلر آلگن.
بدخشان ولایتینینگ بهارک تومنی باغدارلریدن احمد نوید و نورینینگ ایتیشیچه، اوتمیشلرده بهارک رخش آلمهسی یخشی شهرت گه ایگه ایدی و حاضر اورنینی چیت ایللیک آلمه گه بیرگن.
اولرنینگ ایتیشیچه، بدخشان گه چیت ایللیک اصلاح ایتیلگن درختلر کیلیشی و اهالی بو درختلردن فایدهلنیشی، رخش آلمهسینی نابودلیک خطریگه روپهره قیلگن. بیراق، باغدارلردن بیرقطاری، بومی درختلرنی قیتهدن رواجلنتیریش اوچون سعی و حرکت قیلهدیلر.
سلاموطندارگه صحبت بیرگن بهارک ولسوالی محمد عظیم موسوینینگ ایتیشیچه، باغدارلیک ینگی محصولاتی اونچهلیک دوام قیلمهیدی و اوشبو محصولات سقلهنیشی اوچون امکانیت یوقلیگی، باغدارلرنی کوپینچه قیینچیلیککه روپهره قیلگن.
موسوی گه کوره، باغدارلر حمایت قیلینیب و میوهیی درختلرنی بومی نسللری پرورش بیریلگن صورتده، بهارک تومنینینگ باغدارلری، مملکتنینگ شمال حوزهسیگه نیاز بولگن آلمهنی تأمین قیله آلهدی.
بدخشان ولایتیده ایکینچیلیک ریاستی باشلیغی محمدعالم عالمینینگ ایتیشیچه، برق یوقلیگی باعث، باغدارلیک محصولاتینی سقلش قیین دیر.
عالمی گه کوره، درختلرنی ینگی تورلری کسللیکلر و هوا وضعیتی اوزگریشی برابریده مقاومت قیله آلمهیدی و اولر یخشی مقاومت گه ایگه ایسکی میوهلرنینگ نسلینی قیتهدن رواجلنتیریش اوچون ایریم برنامهلرنی قولگه آلگنلر.
بدخشان ایکینچیلیک ریاستی باشلیغینینگ کوپهیتیریشیچه، اوشبو اداره مذکور ولایتنینگ برچه تومنیده میوهلیک بومی درختلرنی نسلی دوامی و سقلهنیشی قوریهلر ایجاد قیلگن.
بدخشان ولایتینینگ ایکینچیلیک ریاستی مسؤوللرینینگ ایتیشیچه، مذکور میوهلیک بومی درختلرنینگ بومی نسللری سقلهنیشی اوچون قوریهلر ایجاد قیلیشی گه قوشیمچه، ایکینچیلر و باغدالردن بومی درختلر رواجلنیشی توغریسیده بیفرق یاندهشمسلرینی سورهگن.
